ဇေကမ္ဘာဝင်းအနီး ဖမ်းမိသော မူးယစ်ဆေးဝါးများ သိုလှောင် ရောင်းဝယ် သည့် ကုမ္မဏီမှ မန်နေးဂျင်း ဒါရိုက်တာ လာရောက် အဖမ်းခံ ။ ===================================================

ဇေကမ္ဘာဝင်းအတွင်း ဖမ်းမိသော မူးယစ်ဆေးဝါးများ အပါဝင် မူးယစ်ဆေးဝါး  များစွာနှင့် ပက်သက်၍ ကုလားတန်မြစ်ဝှမ်း ကုမ္မဏီမှ မန်နေဂျင်း ဒါရိုက်တာ ဖြစ်သူ ဦးမင်းဦးခိုင်မှ စက်တင်ဘာ ၁၅ရက်နေ့တွင် လာရောက် အဖမ်းခံ ခဲ့ကြောင်း မြန်မာနိုင်ငံ ရဲတပ်ဖွဲ့ရုံးမှ သိရသည်။ “ဇေကမ္ဘာဝင်းအတွင်းရယ်၊ မြောက်ဒဂုံကရယ်၊ သာကေတရယ်မှာ ဖမ်းမိ တဲ့ မူးယစ် ဆေးဝါးတွေက ကုလားတန်မြစ်ဝှမ်း ကုမ္ပဏီက ဖြစ်တယ်။  အဲဒီ ကုမ္ပဏီက မန်နေဂျင်း ဒါရိုက်တာဖြစ်သူ ဦးမင်းဦးခိုင်ရဲ့ ဇနီးဖြစ်သူ ကို မြန်မာနိုင်ငံ ရဲတပ်ဖွဲ့က ဖမ်းဆီးလိုက်တဲ့ အချိန်မှာ သူက မဲဆောက် ဘက်မှ မြဝတီဘက်ကို ကူးလာပြီး ဒီအမှုနဲ့ ပတ်သက်ပြီး ရှင်းပြစရာတွေ  ရှိတယ်လို့ဆိုပြီး လာရောက် အဖမ်းခံခဲ့တာ”ဟု မြန်မာနိုင်ငံ ရဲတပ်ဖွဲ့မှ  ထိပ်တန်းအရာရှိ တစ်ဦးက ပြောသည်။ ထိုင်းနိုင်ငံ မူးယစ် ရဲတပ်ဖွဲ့ဝင်များနှင့် ပူးပေါင်းပြီး မဲဆောက်တွင် ဦးမင်းဦး ခိုင်ကို ထိုင်းရဲတပ်ဖွဲ့က ဖမ်းဆီးကာ မြန်မာနိုင်ငံ ရဲတပ်ဖွဲ့သို့ လွှဲပြောင်း  ပေးအပ်ခဲ့ခြင်း ဖြစ်သည်။ “ဦးမင်းဦးခိုင်က အမှုတွင် သူမပါဝင်ဘဲ သူ့ကုမ္ပဏီမှ ဒါရိုက်တာ အဖွဲ့ဝင်များ လုပ်ဆောင်နေခြင်းသာ ဖြစ်ကြောင်း ထွက်ချက် ပေးထားတယ်။ စိတ်ကြွ ဆေးတွေကို “၀” လူမျိုး ၀န်တာဝမ် ဆိုသူက ရန်ကုန်သို့ သယ်ယူလာပြီး  ရောင်းချတယ်။ ငွေပေးငွေယူ အလုပ်တွေကိုတော့ ရှစ်မိုင်မှာရှိတဲ့ ရန်ကုန် စီးတီး ဟိုတယ်မှာ အခြေချပြီးတော့ ပြုလုပ်ခဲ့တယ်”ဟု ရန်ကုန်တိုင်း  ဒေသကြီး ရဲတပ်ဖွဲ့မှ ထိပ်တန်း အရာရှိတစ်ဦးက Tomorrow သို့ ပြောကြား သည်။ ကုလားတန်မြစ်ဝှမ်း ကုမ္ပဏီ အနေဖြင့် ၄င်းစိတ်ကြွဆေးပြားများအား  ဇေကမ္ဘာ ၀င်းအတွင်းရှိ ၄င်းတို့ ကုမ္ပဏီပိုင် ဂိုဒေါင်တွင် ပေပါများဖြင့် သိုလှောင်ပြီး မောင်တောမှ တစ်ဆင့် ဘင်္ဂလားဒေ့ရ်ှသို့ တင်ပို့  ရောင်းချခြင်း ဖြစ်ကြောင်း၊ အဆိုပါ မူးယစ်ဆေးဝါးများနှင့် ပတ်သက်ပြီး  ကုလားတန်မြစ်ဝှမ်း ကုမ္ပဏီနှင့် ရှယ်ယာဝင်ထားသည့် ကုမ္ပဏီများ ကိုလည်း စပ်ဆက်မှု ရှိ၊ မရှိကိုလည်း ဆက်လက် စုံစမ်းနေကြောင်း  သိရသည်။ ကမ္ဘာပေါ်ရှိ ဒုတိယ အများဆုံး စိတ်ကြွဆေးပြားများကို ဇေကမ္ဘာ ၀င်း အတွင်း ကားတစ်စီးပေါ်၌ ဖမ်းဆီးရမိခဲ့ပြီး မြောက်ဒဂုံရှိ နေအိမ် တစ်အိမ် တွင်လည်း မူးယစ်ဆေးဝါးများ ထပ်မံ ဖမ်းဆီးရမိခဲ့ကာ သာကေတ မြို့နယ် ၌လည်း စွန့်ပစ် စိတ်ကြွဆေးပြားများ တွေ့ရှိခဲ့ရမှုနှင့် ပတ်သက်ပြီး ကုလား တန်မြစ်ဝှမ်း ကုမ္ပဏီမှ တာဝန်ရှိသူ အားလုံး ထွက်ပြေး တိမ်းရှောင် ခဲ့သောကြောင့် ကျန်တရားခံပြေးများကို ဆက်လက် ဖမ်းဆီးရမိရေး  ဆောင်ရွက်နေကြောင်း မြန်မာနိုင်ငံ ရဲတပ်ဖွဲ့မှ သိရသည်။ သတင်း-ဇေယျာ ( Tomorrow သတင်းဂျာနယ် )

::: အသက်အာမခံကြေး ပေါင် ၂.၉ သန်းလိုချင်မှုကြောင့် ဇနီးဖြစ်သူကို ချောက်ကမ်းပါးပေါ်က တွန်းချခဲ့တဲ့ အမျိုးသား

အမျိုးသားတစ်ယောက်ဟာ ဇနီးဖြစ်သူကို အိမ်ထောင်သက် နှစ်ပတ်လည်နေ့ မှာ လမ်းလျှောက်ထွက်နေတုန်း ချောက်ကမ်းပါးပေါ်က တွန်းချသတ်ဖြတ်ခဲ့မှုကြောင့် ထောင်ဒဏ် တစ်သက်တစ်ကျွန်း ချမှတ်ခံခဲ့ရပါတယ်။ Harold Henthorn ဆိုသူ အမျိုးသားဟာ ဇနီး Toni ရဲ့ အသက်အာမခံကြေး ပေါင် ၂.၉ သန်းကို ထုတ်ယူဖို့ အတွက် အခုလို သတ်ဖြတ်ခဲ့တာဖြစ်တယ်လို့ သိရပါတယ်။ ကော်လိုရာဒိုပြည်နယ်၊ ဒန်ဗာမြို့ တရားရုံးမှာ အမှုကို စစ်ဆေးကြားနာခဲ့ပြီးနောက် အသက် ၅၉ နှစ်အရွယ် Harold Henthorn ကို အကြံအစည်ရှိရှိ လုပ်ကြံသတ်ဖြတ်မှုကြောင့် အပြင်းထန်ဆုံးပြစ်ဒဏ်ကို တနလာင်္နေ့ မှာ ချမှတ်ခဲ့ပါတယ်။ ၂၀၁၂ ခုနှစ်၊ စက်တင်ဘာလက Rocky Mountain အမျိုးသားပန်းခြံမှာ အိမ်ထောင်သက် ၁၂ နှစ်မြောက် နှစ်ပတ်လည်နေ့ ကို ကျင်းပနေတုန်းမှာ Mrs Henthorn ဟာ ပေပေါင်း ၁၂၀ မြင့်တဲ့ ချောက်ကမ်း ပါးပေါ်ကနေ စောက်ထိုးပြုတ်ကျ သေဆုံးခဲ့ရတာဖြစ်ပါတယ်။ Mr Henthorn ဟာ လွန်ခဲ့တဲ့နှစ် ၂၀ တုန်းကလည်း ပထမဇနီးဖြစ်သူကို လုပ်ကြံသတ်ဖြတ်ခဲ့ဖူးပြီး အဆိုပါပြစ်မှု အတွက် ပြစ်ဒဏ် မကျခံခဲ့ရဘူးလို့ အစိုးရရှေ့ နေတွေက ပြောကြားခဲ့ပါတယ်။ ယခုအမှုမှာတော့ Mr Henthorn ဟာ ပြစ်မှုဆိုင်ရာဥပဒေအရ တစ်သက်တစ်ကျွန်း ထောင်ဒဏ်ကျခံရမှာဖြစ်ပြီး ပြစ်ဒဏ်ကာလအတွင်းမှာ ကတိခံဝန်ချက်နဲ့ ပြန်လွှတ်ပေးခွင့်ကိုလည်း ခံစားရမှာမဟုတ်ဘူးလို့ သိရပါတယ်။Mr Henthorn ရဲ့ ပထမဇနီးဖြစ်သူ Sandra Henthorn ဟာလည်း ကားလမ်းဘေးမှာ တာယာလဲနေတုန်း ကားဂျိုင့် ချော်ထွက်ကာ ကားပိသေဆုံးခဲ့ရပြီး Mr Henthorn ဟာ အဆိုပါမတော်တဆမှုကြောင့် အသက်အာမခံကြေး ဒေါ်လာ ငါးသိန်းနီးပါးထုတ်ယူခဲ့ပါတယ်။ ဖက်ဒရယ်ရှေ့ နေတွေကတော့ အဆိုပါ မတော်တဆမှုကို Mr Henthorn က လုပ်ကြံခဲ့တာဖြစ်တယ်လို့ စွပ်စွဲထားပါတယ်။ trend myanmar

ခိုးရာလိုက်ဖို့ ငြင်းလို့ ဓားနဲ့ထိုး

အမရပူရ မြို့နယ်တွင် ခိုးရာလိုက်ခဲ့ ရန်ခေါ်ဆိုရာ ငြင်းဆိုသဖြင့် ဓားဖြင့်ထိုးသူအား အမှုဖွင့်ခံရကြောင်း တိုင်းရဲရုံးထံက သိရသည်။       ယခုလ (၂၀) ရက်နေ့ နံနက်ပိုင်း အချိန်တွင် အမရပူရမြို့နယ် နေ မ. . . . . (၁၅) နှစ်အား ၎င်း၏ ချစ်သူဖြစ်သူ မောင်. . . . . (၂၄) နှစ်က ခိုးရာလိုက်ခဲ့ရန် ခေါ်ဆိုရာ မ. . . . . . မှ ငြင်းဆိုသဖြင့် အသင့်ပါလာသည့် ဓားဖြင့်ထိုးရာ ဒဏ်ရာများ ရရှိခဲ့ပြီး ဆေးရုံကြီးသို့ တင်ပို့ကုသလျက် ရှိသည်။       အဆိုပါ အမှုအား နယ်မြေစခန်း (မြစ် ငယ်)မှ(ပ)၂၈၈/၂၀၁၅၊ ပြစ်မှုပုဒ်မ -၃၂၆ အရ အမှုဖွင့် ဖမ်းဆီးစစ်ဆေးလျက် ရှိသည်။ The Messenger Media http://messengernewsjournal.com

ဆေးဘဲဥ (century egg)ကိုစားသင့်သလား ???

ဆေးဘဲဥကို century egg,preserved egg,hundred year egg, thousand year egg, millennium egg ,ထုံးဘဲဥ , ဖီတန် ( တကယ်တော့ တရုပ်လို နာမည်ပါ pidan ) လို့လည်းခေါ်ကြပါတယ်။ ဟိုတလောက maggi လို့ ခေါ်တဲ့လူကြိုက်များတဲ့ခေါက်ဆွဲခြောက် တွေထဲမှာ ခဲဓာတ်တွေ (lead) ပါတာများတာကို အိန္ဒိယမှာ ရှာဖွေတွေ့ရှိခဲ့ လို့ မက်ဂီး ခေါက်ဆွဲတင်သွင်းထုတ်လုပ်မှုကိုရပ်ဆိုင်းပြစ်လိုက်ပါတယ်။တိုက်တိုက်ဆိုင်ဆိုင် ဆေးဘဲဥကို သတိရမိလို့ ဆေးဘဲဥအကြောင်းလေးမျှဝေဖြစ်တာပါ။ ဆေးဘဲဥကိုတရုတ်နိုင်ငံက နေပြီး စတင်ပေါ်ပေါက်လာတာဖြစ်ပြီး ရိုးရာ အားဖြင့် ဘဲဥ ၊ကြက်ဥ နဲ့ ငုံးဥတွေကို အသုံးပြုကြပါတယ်။ ပါဝင်တဲ့ပစ္စည်းတွေကတော့ ရွံ့မြေ ၊ ဆား၊ ထုံး၊ ထမင်း ပျော့ စတာတွေကိုလိုအပ်သလိုထည့်ပြီးအသုံးပြုကြပါတယ်။ ဖြစ်စဉ်အားဖြင့် ဘဲဥ အကာ ဟာ စိမ်းပုတ်ရောင်မှသည် မီးခိုးရောင် ၊မီးခိုးရောင်မှသည် အညိုနက်ရောင်သို့ပြောင်းလဲသွားပြီး ပြစ်ခဲမှု မှာလည်း အရည်အဖြစ်မှ ဂျယ်လီအဖြစ်သို့ပြောင်းလဲသွားပါတယ်။ အနံ့ မှာလည်း ကန့် sulphur နှင့် အမိုးနီးယား (ကျင်ငယ်ရေနံ့  ) ဘက်သို့ ပြောင်းလဲသွားပါတယ်။ PH level သည်လည်း ၉ -၁၀ ကြားပြောင်းလဲပြီး ပြင်းအားများသော အယ်လ်ကာလိုင်း ဖြစ်သွားပါတယ်။ ယနေ့ စားသုံးသူတို့ရဲ့ လိုအပ်ချက် များလားပြီးဝယ်လိုအားတိုးလာသောကြောင့် ထုတ်လုပ်သူတို့ က လအနည်းငယ်ကြာ ပြုလုပ်ရသော ဆေးဘဲဥဖြစ်စဉ်ကို ရက်ပိုင်းနှင့်ပြုလုပ်နိုင်ရန် နည်းလမ်းများ ရှာဖွေ့ လာကြပါတယ်။ calcium hydroxide နှင့် sodium carbonate ပျော်ရည်တွင် ဘဲဥကိုစိမ်ခြင်းက ဆယ်ရက်အတွင်း ပုံမှန်ရိုးရာနည်း ဖြင့်ပြုလုပ်သော လအနည်းငယ်ကြာ ဆေးဘဲဥကို ပုံမှန်အရသာမပျက် ရရှိစေ တာမို့အချိန်ကုန်ခံထုတ်လုပ်မှုကို ကျော်ဖြတ်နိုင်ခဲ့ပါတယ်။ ဆိုးကျိူး အနေနဲ့ကတော့ lead (ခဲ) ဓာတ်ပါဝင်မှုတွေတိုးလာတာပါဘဲ။ ဘဲဥထဲသို့ မြန်မြန်ဆန်ဆန် hydroxide and sodium ကို ဝင်ရောက်စေခြင်းက ခဲဓာတ်ကိုတိုးပွားလာစေတာဖြစ်ပါတယ်။ ခဲဓာတ်များခန္ဓာကိုယ်ထဲဝင်ရောက်တာများလျှင် အသက်ဆုံးရှုံးသည်ထိဖြစ်နိုင်ပါတယ်။ Lead poisoning ခဲဆိပ်သင့်ခြင်းရဲ့ဆိုးကျိူးတွေကတော့ အော့အန်ခြင်း ဗိုက်နာခြင်း မောပန်းခြင်း ကြွက်သားများနာကျင်ခြင်း ဝမ်းလျောခြင်း ဝမ်းချူပ်ခြင်း သုတ်ကောင်များနည်းသွားခြင်း အာရုံစူးစိုက်မှု နည်းခြင်း ဦးနှောက်မြေး ရောင်ရမ်းခြင်း သွားပိုးစားခြင်း သွေးပေါင်တက်ခြင်း မှသည် အသက်သေဆုံးသည်ထိဖြစ်နိုင်ပါတယ်။ ခဲဆိပ်သင့် နေသလားဆိုတာကိုသိချင်ရင်တော့ သွေးဖောက်စစ်ဆေးရင်သိနိုင်ပါတယ်။ သွေးထဲမှာ ခဲဓာတ် ပါဝင်မှု ၁၀ မိုက်ခရိုဂရမ် ပါ ဒက်ဆီလီတာ ထက်ကျော်နေဘီဆိုရင်တော့ ခဲဓာတ် အဆိပ်မသင့်သေးသည့်တိုင်အောင် ခဲဓာတ်များနေဘီလို့ သတ်မှတ်ပါတယ်။ ဗာဟုသုတ အနေနဲ့မျှဝေချင်တာလေးကတော့ ခဲဆိပ်သင့်ခြင်းဟာ အစားအသောက်ခုတည်းကနေ နိုင်တာမဟုတ်ပါဘူး။ ခဲနဲ့ ထိတွေ့သော သူများအားလုံး ရနိုင်တာဖြစ်ပြီး ၊ ခုရေးသားသော အကြောင်းအရာလေးကတော့ လူအများစု သတိမထား နိုင်သော အကြောင်းအရာလေးတခုကိုသာ ဖော်ပြခြင်းဖြစ်ပါတယ်။ အိမ်သုတ်ဆေး ကိုင်သူ ဘထ္ထရီ အိုးပြင်သူ ခဲဂဟေတို့သူ ဓာတ်ရောင်ခြည် ကာကွယ်သော ခဲအကျီင်္ဝတ်သူ မာကျူရီနှင့်ခဲဓာတ်ပါ သော ဓာတ်ခဲထုတ်လုပ်သော နေရာတွင်အလုပ်လုပ်သူ ခဲ ကျည်ဆန်ကိုင်သူ စသောခဲနှင် ထိတွေ့သူတွေ မှာ ခဲဆိပ်သင့်ခြင်းဖြစ်နိုင်ပါတယ်။ အသိပညာ ဗာဟုသုတများခြင်းသည်မင်္ဂလာတပါး ။ Credit: သန့်ဇင်ရှိန်

Giant Anaconda

Giant Anaconda

မိန်းမ နဲ့ ယောက်ခမကို မကျေနပ်လို့ ကိုယ့်သားကိုဓါး နဲ့ သုံးချက်ထိုးသတ်လိုက်တဲ့ဖခင်

 မိန်းမ နဲ့ ယောက်ခမကို မကျေနပ်လို့ ကိုယ့်သားကိုဓါး နဲ့ သုံးချက်ထိုးသတ်လိုက်တဲ့ဖခင်ကိုဘယ်လို အပြစ်ပေးမလဲ။ Ko Htut ဆီမှကူးယူဖော်ပြသည်။ Soe Min Aye

ပြောင်းလဲချိန်တန်ပြီလို့ ဒေါ်စုပြော

နေပြည်တော်၊ ဇေယျာသီရိမြို့နယ်အတွင်း ရွေးကောက်ပွဲမဲဆွယ်ပွဲမှ ဒေါ်အောင်ဆန်းစုကြည်။ (စက်တင်ဘာ ၂၀၊ ၂၀၁၅)  မြန်မာပြည်သူလူထုရဲ့ဘဝ ဖွံ့ဖြိုး တိုးတက်ပြီး လုံခြုံမှုရှိလာစေဖို့အတွက် မြန်မာနိုင်ငံမှာ အမှန်တကယ်ပြောင်းလဲဖို့ အချိန်တန်ပါပြီလို့ ဒေါ်အောင်ဆန်း စုကြည်က နေပြည်တော်မှာ ဒီကနေ့ ပြောလိုက်ပါတယ်။ တရားဥပဒေ စိုးမိုးလာစေမယ့် အုပ်ချုပ်သူအစိုးရတရပ် ပေါ်ပေါက်လာဖို့လည်း အရေးတကြီး လိုအပ်နေပြီလို့ လူထုသောင်းချီ တက်ရောက်တဲ့ ဒီကနေ့ နေပြည်တော် ဇေယျာသီရိမြို့ ရွေးကောက်ပွဲ အောင်နိုင်ရေး စည်းရုံးရေးခရီးအတွင်း ပြော လိုက်တာပါ။ ဒါပေမဲ့လို့ ၂၀၁၅ ရွေးကောက်ပွဲမှာ နေပြည်တော်ကမြို့နယ်တွေမှာ ပါတီ အောင်နိုင်ရေး ယှဉ်ပြိုင်မှုမှာ စိန်ခေါ်မှုတွေ ရင်ဆိုင်ရနိုင်တယ်လို့ သုံးသပ်မှုတွေလည်း ရှိပါတယ်။ မဆုမွန်က တင်ပြပေးထားပါတယ်။ စက်တင်ဘာလ ၂၀ ရက်နေ့မှာ အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က မန္တလေးတိုင်း နေပြည်တော်က ဇေယျာ သီရိမြို့နယ် နန်းသြကျေးရွာမှာ ဒေသခံပြည်သူလူထုနဲ့တွေ့ဆုံချိန် မြန်မာပြည်မှာ အမှန်တကယ်ပြောင်းလဲချိန်တန်ပါပြီလို့ ပြောလိုက်ပါတယ်။ “ပြောင်းလဲမှုဟာ မှန်ကန်တဲ့ပြောင်းလဲမှုမျိုးဖြစ်ရမယ်။ နောက်ပြီးတော့လည်း တကယ်ပြောင်းလဲရမယ်။ တချို့ကျတော့ အပြောတော့ သိပ်ကောင်းတာပဲ၊ ဟိုဟာလုပ်ပေးပါမယ်၊ ဒီဟာလုပ်ပေးပါ့မယ်ဆိုပြီး အပြောပဲရှိတယ်၊ ဘာမှ သက်ရောက်မှုမရှိဘူး။ အဲဒါဟာ တကယ် အဲဒီလိုပြောပြီးတော့ပြောတဲ့ ပြောင်းလဲမှုမျိုးဆိုတာ တကယ့်စစ်မှန်တဲ့ပြောင်းလဲမှု မဖြစ်နိုင်ပါဘူး။ အဲဒီတော့ ကျမတို့ ဘာဖြစ်လို့ ပြောင်းချင်လဲ။ ဘာဖြစ်လို့ ပြောင်းချင်လဲဆိုတော့ ကျမတို့ပြည်သူတွေရဲ့ဘဝတွေ ဖွံ့ဖြိုးစေချင်လို့၊ လုံခြုံစေချင်လို့၊ တိုးတက်စေချင်လို့၊ ဆိုတော့ အဲဒါပြောင်းဖို့ ကျမတို့ဘာလိုလဲဆိုတော့ ခပ်တိုတိုပြောရရင် ပြည်သူ့ရဲ့မဲတွေကို လိုပါတယ်-လို့ ပြောပါရစေ။ ကျမတို့ပြည်သူက ခေါင်းထဲမှာ သေသေချာချာ စွဲပြီး မှတ်ထားရမှာက - မဲတိုင်း တစ်ခုချင်းတစ်ခုချင်းဟာ အင်မတန်မှ တန်ဖိုးရှိပါတယ်။ အဲဒီမဲတွေကို မဖြုန်းပါနဲ့။ အဲဒီမဲတွေကို မရောင်းစားပါနဲ့၊ ပေးသမျှကို ယူပါ။ မဲကိုတော့ မပေးပါနဲ့လို့ ကျမ ပြောပါရစေ။” ပြည်သူလူထုအနေနဲ့ မိမိတို့ရဲ့ အသက်အိုးအိမ်စည်းစိမ် ဘဝလုံခြုံမှုရှိစေဖို့ မိမိတို့အကျိုးကို ကာကွယ်စောင့်ရှောက်နိုင်မယ့် တရားဥပဒေ စိုးမိုးမှုရှိတဲ့ အုပ်ချုပ်သူ အစိုးရတရပ် ပေါ်ပေါက်လာရေး နိုင်ငံသားအခွင့်အရေးနဲ့အညီ မဲပေးကြဖို့ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က တိုက်တွန်းပါတယ်။ “ကျမတို့နိုင်ငံမှာ ဒီလို ဥပဒေကို အလွဲသုံးစားလုပ်ခဲ့တာ အင်မတန်ကြာပါပြီ။ ဥပဒေကောင်းတွေ ရှိလို့ရှိရင်တောင်မှ ထိထိရောက်ရောက်မဖြစ်တာကို ကျမတို့တွေ့ရပါတယ်။ အခု ဇေယျာသီရိအပါအဝင် ကျမတို့နိုင်ငံရဲ့ ကျေးလက်တောရွာအများအပြားမှာ ဆိုရင် အဓိကပြဿနာက လယ်ယာမြေ ပြဿနာပဲ။ ပြည်သူတွေရဲ့လယ်ယာမြေတွေကို မတရားသဖြင့်သိမ်းထားတာ၊ ဥပဒေက ပြန်ပေးဆိုလို့ရှိရင်လည်း မပေးတာ။ ပေးမယ်လို့ ပါးစပ်ကပြောပြီး တကယ်တော့ ကိုယ့်လက်ထဲပြန်မရောက်တာ။ ဒါမျိုးတွေဟာ တရားဥပဒေစိုးမိုးရေးမရှိလို့ ဖြစ်ရတဲ့ ကိစ္စတွေပါ။” နေပြည်တော် ဇေယျာသီရိမြို့နယ်အတွင်း ဒေါ်အောင်ဆန်းစုကြည်ရဲ့ ရွေးကောက်ပွဲအောင်နိုင်ရေးခရီးစဉ်မှာတော့ ဒေသခံပြည်သူ ငါးသောင်းကျော် တက်ရောက်ခဲ့တယ်လို့ NLD ဘက်က ခန့်မှန်းပြောဆိုထားပါတယ်။ ဒါပေမဲ့လို့ နေပြည်တော် တခွင်မှာ ရှိတဲ့ ဇေယျာသီရိ မြို့နယ်အပါအဝင် မြို့နယ် တော်တော်များများမှာ ဝင်ရောက် ယှဉ်ပြိုင်တဲ့အခါ ရွေးကောက်ပွဲ အောင်နိုင်ရေး စိန်ခေါ်မှု အခက်အခဲတွေနဲ့ ကြုံရနိုင်ပါတယ်လို့ နိုင်ငံရေးအကဲခတ်တွေက သုံးသပ်ပါတယ်။ ရွေးကောက်ပွဲ စောင့်ကြည့်လေ့လာသူ ဒေါက်တာရန်မျိုးသိမ်းကတော့ နေပြည်တော်က နေရာတချို့မှာ ၂၀၁၂ ကြားဖြတ် ရွေးကောက်ပွဲ တုန်းက အနိုင်ရခဲ့တဲ့ NLD ပါတီရဲ့ ဒီတကြိမ် ၂၀၁၅ မှာ ကြုံလာရနိုင်ခြေတွေကို အခုလိုပြောပါတယ်။ “အမျိုးသားဒီမိုကရေစီအဖွဲ့ချုပ်အနေနဲ့ ၂၀၁၂ ကြားဖြတ်ရွေးကောက်ပွဲလိုမျိုး နေပြည်တော်ဝန်းကျင် မြို့နယ်တွေမှာ အပြတ်အသတ် အနိုင်ရရှိတာမျိုးဖြစ်ဖို့ အလားအလာနည်းတယ်လို့ ကျနော်က မြင်ပါတယ်။ လတ်တလော အခု ဒေါ်အောင်ဆန်းစုကြည် မဲဆွယ် စည်းရုံးရေး သွားတဲ့ နေပြည်တော်ဝန်းကျင် မဲဆန္ဒနယ်တွေကတော့ ကျနော့အမြင်အားဖြင့် အမျိုးသားဒီမိုကရေစီအဖွဲ့ချုပ်အတွက် စိန်ခေါ်မှုမြင့်မားတဲ့ မဲဆန္ဒနယ်တွေ ဖြစ်လာလိမ့်မယ်လို့ မြင်ပါတယ်။ ဘာဖြစ်လို့လဲဆိုတော့ အဲဒီမဲဆန္ဒနယ်တွေမှာ ကြိုတင်မဲတွေလည်း အများကြီးရှိနိုင်ပါတယ်။ နောက်ပြီးတော့ အာဏာရပါတီရဲ့အမာခံကျေးရွာတွေ၊ အမာခံ ဒေသတွေလည်းပဲ ရှိနိုင်တဲ့အတွက်ကြောင့်မို့လို့ နေပြည်တော်ဝန်းကျင် မြို့နယ်တွေရဲ့အခြေအနေဟာ လာမယ့်ရွေးကောက်ပွဲမှာ တိုင်းရင်းသား ဒေသတွေမှာလိုပဲ အမျိုးသားဒီမိုကရေစီအဖွဲ့ချုပ်အတွက် စိန်ခေါ်မှုမြင့်မားတဲ့ဒေသတွေဖြစ်လာမယ်လို့ မြင်ပါတယ်ဗျ။” ဒေါ်အောင်ဆန်းစုကြည်ကတော့ နေပြည်တော်ဇေယျာသီရိက ဒေသခံပြည်သူတွေကို အာဏာဟာ ပြည်သူ့လက်ထဲမှာရှိတယ်၊ အာဏာကြီးမားသူဟာ ပြည်သူသာဖြစ်တယ်ဆိုတာကို ပြည်သူတွေသတိချပ်စေဖို့ တိုက်တွန်း ပြောဆိုပါတယ်။ တချိန်တုန်းက အာရှဒေသမှာ အိမ်နီးချင်းနိုင်ငံတွေနဲ့ ရင်ဘောင်တန်းနိုင်ခဲ့တဲ့ မြန်မာနိုင်ငံဟာ အခုချိန်မှာ အစစရာရာ တိုးတက်မှု ကျဆင်းနေရတာဟာ စနစ်မကောင်းခဲ့လို့ ဖြစ်ရတဲ့အတွက် တိုင်းပြည်အတွင်း စနစ်ပြောင်း ခေတ်ပြောင်းနိုင်အောင် ပြည်သူတွေ ပူးပေါင်း ပါဝင်ကြဖို့ကိုလည်း ဒေါ်အောင်ဆန်းစုကြည်က တိုက်တွန်းပြောဆိုနေပါတယ်။ မဆုမွန် / ဗွီအိုအေ (မြန်မာပိုင်း) http://burmese.voanews.com