သြဂုတ် ၇ ။ ဘယ်ဂျီယံတက္ကသိုလ်က သုတေသီတွေဟာ ဆီးကို နောက်ဆုံးမှာ ဘီယာအဖြစ်တောင် ပြောင်းနိုင်တဲ့ စက်တစ်မျိုးကို တီထွင်ခဲ့တယ်လို့ သိရပါတယ်။
တကယ်တော့သည်စက်ကဆီးကို သောက်သုံးလို့ရတဲ့ရေနဲ့ မြေသြဇာတို့အဖြစ် နှစ်မျိုးပြောင်းလဲပေးနိုင်ပါတယ်။ စက်ကဆိုလာစွမ်းအင်ကိုအသုံးပြုပြီး ဆီးကိုအပူဓာတ်ပေးကာအမြှေးပါးတစ်ခုမှတဆင့် ဖြတ်သန်းစေပြီးဆီးထဲမှာပါဝင်တဲ့ဓာတ်တွေထဲကနေ ရေကိုခွဲထုတ်ပေးတာ ဖြစ်ပါတယ်။
သည်လိုစက်မျိုးက အသုံးချစရာအလားအလာတွေအများကြီးရှိတယ်လို့ ဆိုပါတယ်။ သန့်ရှင်းတဲ့ရေ မရှိတဲ့ ကမ္ဘာပေါ်က ကျေးလက်ဒေသတွေအတွက် သောက်သုံးရေတွေပေးနိုင်တာကအစ လေဆိပ်တွေမှာတပ်ဆပ်ခြင်းဖြင့် ငွေကုန်ကျသက်သာစေနိုင်တာအဆုံး အမျိုးမျိုးသောအကျိုးကျေးဇူးတွေရလိမ့်မယ်လို့ သုတေသီ ဆီဘတ်ရှန်ဒဲရက်စ် ကပြောပါတယ်။ ဒါမှမဟုတ်ရင် ဘီယာချက်ဖို့တောင် အသုံးပြုလို့ရနိင်တယ်လို့ ဆိုပါတယ်။
ဘယ်ဂျီယံသုတေသီတွေက သည်စက်ကိုတီထွင်နိုင်ဖို့ နှစ်နှစ်ခွဲကြာအောင် ကြိုးစားခဲ့တာဖြစ်ပြီး ဂျန့်မှာ ကျင်းပတဲ့ ဂီတဖျော်ဖြေပွဲမှာ စမ်းသပ်ခဲ့ကြပါတယ်။ သည်ပွဲမှာ ပရိသတ်တွေရဲ့ကောင်းမှုနဲ့ ရေ လီတာ ၁၀၀၀ လောက်ထုတ်လုပ်နိုင်ခဲ့တယ်လို့ သိရပါတယ်။
kumudar
No comments:
Post a Comment