ဖွားဖက်တော် နေရာမှာ စက် အစားထိုးပြီးနောက် မိန်းကလေးတွေ စိတ်ဝင်စားခံနေရသူ

ကြောက်မက်ဖွယ်ကောင်းတဲ့ မတော်တဆမှု တစ်ခု ဖြစ်ပွားပြီးခဲ့တဲ့အချိန်မှာ လိင်အင်္ဂါမရှိတော့ဘဲ ရှင်သန်ခဲ့ရတဲ့ လူငယ်တစ်ဦး ဟာ သူရဲ့ လိင်အင်္ဂါ ကို ၈ လက်မ အရည်ရှိတဲ့ Bionic Penis အစားထိုးပြီးခဲ့တဲ့အချိန်မှာတော့ မယုံကြည်နိုင်ဖွယ်ရာကောင်းတဲ့ အပြောင်းအလဲ ဖြစ်ပွားခဲ့ပါတော့တယ်။Mohammed Abad လို့ အမည်ရှိတဲ့ လူငယ်လေးတစ်ဦး ဟာ ငယ်ရွယ်စဉ်ကတည်းက မတေ်ာတဆထိခိုက်မှု တစ်ခု ဖြစ်ပွားပြီးခဲ့တဲ့အချိန်မှာ ခန္ဓာကိုယ်ရဲ့ တခြား အစိတ်အပိုင်းတွေကို ထိခိုက်မှာ စိုးရိမ်လွန်းခဲ့ရတဲ့ အခြေအနေ တစ်ခု ကြောင့် သူရဲ့ ငယ်ပါ ကို ဖြတ်ပစ်ခဲ့ရပါတယ်။ အဲဒီအတွက် ဆီးလမ်းကြောင်း ကို ဗိုက်ကနေတဆင့် ပိုက်တစ်ခု နဲ့ သွယ်တန်းပြီး အထူးပြုလုပ်ပေးခဲ့ရပြီး လွန်ခဲ့တဲ့ ၁၅ နှစ်လုံးလုံး ဒုက္ခ နဲ့ သောကတွေကိုသာ အဖော်ပြုလုပ်ခဲ့ရပါတယ်။ယနေ့မှာတော့ အသက် ၄၄ နှစ် ရှိခဲ့ပြီ ဖြစ်တဲ့ Abad ဟာ မမျှော်လင့်ရဲဖွယ်ရာ ကံကြမ္မာကောင်းတစ်ခု ကို ပိုင်ဆိုင်ခဲ့ရပါပြီ။ မော်ဒန်ဆေးပညာလောက ရဲ့ အံ့မခန်း အောင်မြင်မှုလို့ ဆိုနိုင်မယ့် ခွဲစိတ်မှုပဲ ဖြစ်ပါတယ်။ ဒေါ်လာ ၇၀၀၀၀ ကျော် ကုန်ကျခဲ့ပေမယ့် ကျေနပ်ဖို့ကောင်းလှတဲ့ ခေတ်သစ်ဆေးပညာ ကို ကျေးဇူးတင်မဆုံး ဖြစ်နေခဲ့တဲ့ Abad ဟာ သူရဲ့ ငယ်ပါ နေရာမှာ bionic penis ကို အစားထိုး တပ်ဆင်ခွင့် ရရှိသွားခဲ့ပြီ ဖြစ်ပါတယ်။ ခြေထောက် နဲ့ လက် အစရှိတဲ့ နေရာတွေမှာ အစားထိုး တပ်ဆင်ခဲ့တဲ့ စက်ရုပ်လက်တု ၊ စက်ရုပ်ခြေတု တွေ ရှိခဲ့ပေမယ့် အခု တစ်ခါကတော့ ကမ္ဘာ့အသစ်ဆန်းဆုံး ဖြစ်လာနိုင်တဲ့ အစားထိုး ခွဲစိတ်မှု ပဲ ဖြစ်ပါတယ်။အဲဒီ Bionic Penis ဟာ သေးသွယ်ပြီး ၈ လက်မ ရှည်လျားကာ အကြောများအားလုံး ရှုံ့တွနိုင်တဲ့အပြင် တခြားသာမာန် လူသားတစ်ယောက် ရဲ့ အကြောတွေကဲ့သို့ အလုပ်လုပ်နိုင်မယ် လို့ သိရပါတယ်။ သာမန် လူသားတွေရဲ့ လိင်အင်္ဂါတွေကဲ့သို့ ရာသီဥတု ရဲ့ အခြေအနေ ကို လိုက်လျောညီထွေစွာ ပြောင်းလဲပေးမှု ရှိ၊ မရှိကိုတော့ ခွဲစိတ်ဆရာဝန်တွေက မပြောကြားခဲ့ပေမယ့် သူရဲ့ Bionic Penis ဖန်တီးဖို့အတွက် လိုအပ်တဲ့ အသားအရေတွေကို ပေါင်မှ လှီးယူခဲ့တယ် လို့ ဆိုပါတယ်။အီလက်ထရောနစ် လိင်တံ လို့ ဆိုနိုင်မယ့် Bionic Penis ကို ကောင်းမွန်စွာ အလုပ်လုပ်ဖို့ Abad က ရှစ်လကြာ လေ့ကျင့်ယူခဲ့ရပါတယ်။ သူနဲ့ အတူနေချစ်သူ Charlotte Rose က အဲဒီ အီလက်ထရောနစ်လိင်တံ နဲ့ အတူတူ အိပ်စက်ဖို့ သဘောတူခဲ့ပါတယ်။သတင်းကို ကြားခဲ့ရတဲ့ Sex Worker မိန်းကလေး အတော်တေ်ာများများ ဟာ Abad နဲ့ အတူတူ အိပ်ဖို့ စိတ်ဝင်တစား ကမ်းလှမ်းခဲ့ကြပေမယ့် Abad ကတော့ ခက်ခဲကြမ်းတမ်းမှုတွေကို မတွေ့ကြုံချင်တဲ့အတွက် ငြင်းပယ်ခဲ့တယ်လို့ ဆိုပါတယ်။Abad ရဲ့ အီလက်ထရောနစ် လိင်တံ ဟာ ကလေးမွေးဖွားဖို့ စွမ်းဆောင်နိုင်မှု ရှိ မရှိဆိုတာကိုတော့ ခွဲစိပ်ပေးတဲ့ ဆရာဝန်တွေကိုယ်တိုင် က လည်း သိချင်နေတဲ့ ပဟေဋ္ဌိတစ်ခု ဖြစ်လာခဲ့ပါတယ်။Source – cantwait2say

    

ထိုင်းနိုင်ငံမှာ မင်္ဂလာပွဲကျင်းပဖို့ ၅ ရက်လောက်သာ လိုတော့တဲ့အချိန်မှာ သတို့သမီးလောင်းတဦးဟာ သေနတ်နဲ့ ပစ်ခတ်သတ်ဖြတ်ခံခဲ့ရပြီး သတို့သားလောင်းကို သံသယနဲ့ ရဲက ဖမ်းဆီးထားတယ်လို့ ဘန်ကောက်ပို့စ်သတင်းမှာ ဖော်ပြထားပါတယ်။ ဒီအဖြစ်အပျက်ဟာ ပြီးခဲ့တဲ့ ဒီဇင်ဘာ ၁၉ ရက်နေ့ မနက်ခင်းအစောပိုင်းက သာဆဲခရိုင်၊ ဆာလွီ ကျန်းမာရေးမြှင့်တင်ရေးဆေးရုံ ဝန်ထမ်းအိမ်ရာထဲမှာ ဖြစ်ခဲ့တာလို့ ချန်ဖွန်ရဲဌာနမှ ရဲချုပ် ဆွန်ထီချိုင် အဝပ်တနာကူလ်သက်ပ်က ပြောပါတယ်။ အသက် ၂၅ နှစ်အရွယ် သေဆုံးသူ သတို့သမီးလောင်း နွန်တီယာ ခရိုဂျာတူရက်ဟာ သွားဘက်ဆိုင်ရာ ဆေးဝန်ထမ်းတဦးဖြစ်ပြီး အသက် ၂၆ နှစ်အရွယ် သတို့သားလောင်း ရွန်နချိုင် ပန်ချာ့တ်ကတော့ ခရိုင်လျှပ်စစ်ရုံးဝန်ထမ်းတဦးဖြစ်ကာ လာမယ့် ဒီဇင်ဘာ ၂၄ ရက်နေ့မှာ မင်္ဂလာပွဲကျင်းပဖို့ စီစဉ်ထားခဲ့ကြတာလို့ ဆိုပါတယ်။ ရဲတွေက ရွန်နချိုင်ကို သံသယနဲ့ ဖမ်းဆီးခဲ့ပြီး တညလုံး စစ်မေးခဲ့ချိန်မှာတော့ သူက သတ်ခဲ့ကြောင်း ဝန်ခံထွက်ဆိုထားခဲ့တယ်လို့ သတင်းမှာ ဖော်ပြပါတယ်။ ဒါပေမယ့် ဘာကြောင့်ဖြစ်ရတယ်ဆိုတဲ့ အကြောင်းရင်း အသေးစိတ်ကိုတော့ ရှင်းရှင်းလင်းလင်း မသိနိုင်သေးဘဲ ဒီဖြစ်ရပ်မှာ နောက်ထပ် အမျိုးသမီးတဦးပါ ပါဝင်ပတ်သက်နေနိုင်တယ်လို့ ရဲတွေက သံသယရှိနေကြပါတယ်။ သတို့သားလောင်းဟာ မင်္ဂလာပွဲမတိုင်ခင်မှာ တခြားအမျိုးသမီးတဦးနဲ့ အတူရှိနေခဲ့တာကို သတို့သမီးလောင်းက တွေ့ရှိခဲ့ရာက ဒီဇာတ်လမ်းစတင်ခဲ့တာ ဖြစ်နိုင်တယ်လို့ ရဲစုံစမ်းစစ်ဆေးရေးဌာက ဆိုပါတယ်။ သူတို့ ၂ ဦးဟာ ဒီကိစ္စကြောင့် စကားများ ကတောက်ကဆဖြစ်ခဲ့ကြကာ သတို့သမီးက သူ့ရဲ့ဖခင်ဖြစ်သူကို ဒီအကြောင်းတွေ ဖွင့်ပြောခဲ့တယ်လို့ ဆိုပါတယ်။ သူဟာ သတို့သားလောင်းရဲ့ ခုလိုအပြုအမူတွေကို သတိမပြုမိခဲ့ဘဲ သူတို့မင်္ဂလာပွဲမှာ ပြဿနာတခုခုတော့ ရှိနေပြီလို့ ဖခင်ကို ပြောခဲ့တာပါ။ ဒါပေမယ့် အကြောင်းအရာ အသေးစိတ်ကိုတော့ သမီးဖြစ်သူက မပြောပြခဲ့ဘူးလို့ ဖခင်ဖြစ်သူ ချာအိုက ပြောပါတယ်။ နွန်တီယာ သေဆုံးမှုဟာ အဲဒီနေ့ မနက်အစောပိုင်း ၁ နာရီလောက်မှာ သေနတ်နဲ့ ပစ်ခံခဲ့ရပြီး သေဆုံးနေတာကို လုပ်ဖော်ကိုင်ဘက်တွေက တွေ့ရှိခဲ့ကြတာ ဖြစ်ပါတယ်။ သူ့ရဲ့တာဝန်ချိန်မှာ အချိန်မီ ရောက်မလာခဲ့လို့ လုပ်ဖော်ကိုင်ဘက်တွေက မေးမြန်းခဲ့ကြပြီး သူ့အခန်းကို ရောက်လာခဲ့ချိန်မှာ အခန်းထဲက သွေးတွေ စီးထွက်နေခဲ့တာကို တွေ့ခဲ့ရတာပါ။ အဲဒီနောက်မှာမှ တံခါးကိုချိုးဖျက် ဝင်ရောက်ခဲ့ကြချိန်မှာတော့ သေနတ်ဒဏ်ရာနဲ့ သေဆုံးနေခဲ့တဲ့ နွန်တီယာကို တွေ့ရှိခဲ့ကြပြီး ရဲတွေကို အကြောင်းကြားခဲ့တာ ဖြစ်ပါတယ်။ အခန်းတွင်း စီစီတီဗွီကင်မရာမှာတော့ မျက်နှာဖုံးတပ် ရုပ်ဖျက်ထားတဲ့ အမျိုးသားတဦးဟာ ၁ နာရီအချိန်မှာ ဝင်ရောက်လာခဲ့ပြီး မိနစ် ၂၀ အကြာမှာ ပြန်ထွက်သွားခဲ့ကြတာကို တွေ့ရှိခဲ့ကြတာပါ။ သတို့သားလောင်း ရွန်နချိုင်ရဲ့ အခန်းတွင်းကို စစ်ဆေးရှာဖွေရာမှာလည်း ရုပ်သံကင်မရာထဲ ဖမ်းယူရရှိထားတဲ့ အမျိုးသား ဝတ်ဆင်ထားတဲ့အဝတ်နဲ့ တူညီတဲ့ အဝတ်တွေကို တွေ့ခဲ့ရတာမို့ သူ့ကို ဖမ်းဆီးခဲ့တာပါ။ လက်ရှိမှာတော့ ဒီအမှုကို ဆက်လက်စုံစမ်း စစ်ဆေးနေဆဲဖြစ်ကာ အသေးစိတ် အခြေအနေတွေကိုတော့ မသိနိုင်သေးပါဘူး။ =========== DVB TV News http://burmese.dvb.no/archives/244380

       

မင်္ဂလာဒုံမြို့နယ်၊ ထောက်ကြန့်လမ်းဆုံရှိ စားသောက်ဆိုင်တစ်ဆိုင်တွင် ဆရာတော်ဦးဣန္ဒက အား သံဃာတုဟု ဆိုကာ ရိုက်နှက်ထိုးကြိတ်ခဲ့သူ ကျောင်းထိုင်ဆရာတော်တစ်ပါး အပါအဝင် ၂ ဦးအား ဖမ်းဆီးမိပြီဖြစ်ကြောင်း ရန်ကုန်တုိုင်းရဲတပ်ဖွဲ့က ယနေ့ ဒီဇင်ဘာ ၅ ရက်နေ့က သတင်းထုတ်ပြန်လိုက် သည်။ ပြစ်မှုကျူးလွန်သူ ကျောင်းထိုင်ဆရာတော်သည် မြင့်ကျော်(ခ)မြင့်သိန်း(ခ) ဥူးပညာသာရဖြစ်ပြီး လူမှုရေးကိစ္စများ၊ အရက်သေစာသောက် စားခြင်း များ မကြာခဏပြုလုပ်တတ်၍ ကျေးရွာနှင့် အဆင် မပြေသော ဘုန်းကြီးတစ်ပါးဖြစ်ပြီး အဆိုပါစားသောက်ဆိုင်သို့ Facebook မှ တဆင့် ရည်းစားခဲ့သူနှင့် ချိန်းတွေ့ရန် လူဝတ်လဲ၍ ထောက်ကြန့်လမ်းဆုံရှိ လမင်းသာ (၂) စားသောက်ဆိုင်သို့ ရောက်ရှိ သောက်စားနေစဉ် ၀င်ရောက်ရိုက်နှက်ခဲ့ခြင်း ဖြစ်သည်ဟု ထုတ်ပြန်ချက်အရ သိရသည်။ ပြစ်မှုကျူးလွန်သူ အောင်မိုးအား ဖမ်းဆီးမိပြီး နောက် ထွက်ပြေးတိမ်ရှောင်နေသည့် ကျောင်းထိုင် ဆရာတော်တစ်ပါးဖြစ်သူ ဥူးပညာသာရ (ခ) မြင့်ကျော်(ခ)မြင့်သိန်း(၄၃ )နှစ်အား ပဲခူးတိုင်းဒေသ ကြီး ၊ လက်ပံတန်းမြို့နယ်တွင် ဖမ်းဆီးမိပြီဖြစ် ကြောင်း Yangon police လူမှုကွန်ယက် စာမျက် နှာမှ တစ်ဆင့် ယနေ့ ညနေပိုင်းက ထုတ်ပြန်ခဲ့ ခြင်း ဖြစ်သည်။ ဒီဇင်ဘာလ ၃ ရက်နေ့၊ မွန်းလွဲ ၁ နာရီခွဲက ပြစ်မှု ကျူးလွန်သူ အောင်မိုး(၄၅) နှစ်အား ဖမ်းဆီးရမိခဲ့ပြီး ဥူးပညာသာရ အား ၎င်းလိပ်စာပေးခဲ့ သည့် ပဲခူးတိုင်းဒေသကြီး ၊ လက်ပံတန်းမြို့နယ်၊ အောင်လံကုန်း ကျေးရွာ၊ အောင်မြေတောရ ကျောင်းတိုက်တွင် ဖမ်းဆီးရမိခဲ့သည်။ ဖြစ်စဉ်မှာ အဆိုပါ ကျောင်းထိုင်ဆရာတော်သည် ပြစ်မှုကျူးလွန်ပြီးနောက် လက်ပံတန်းသို့ ပြန်သွားပြီး သင်္ကန်းပြန်ဝတ်ကာ အေးမြစံပျော် ကျောင်းတွင် ဟန်မပျက်နေထိုင်ခဲ့ပြီးနောက် Facebook တွင် ဘုန်းကြီးတစ်ပါးရိုက်နှက်ခံနေ ရသည့်ဖြစ်စဉ်များပျံ့နှံ့နေသည့်အတွက် ဖမ်းဆီးခံ ရမည်ကို ကြောက်ရွံ့သဖြင့် အောင်လံကုန်းရွာ၊ အောင်မြေတောရကျောင်းတိုက်တွင် တိမ်းရှောင် နေစဉ် ယနေ့ ဒီဇင်ဘာ ၅ ရက်နေ့က ရဲတပ်ဖွဲ့က သိက္ခာချလူဝတ်လဲ ဖမ်းဆီးခဲ့ခြင်းဖြစ်ကြောင်း သိရသည်။ ယင်းအမှုနှင့်ပတ်သက်၍ ဥပဒေနှင့်အညီဆောင် ရွက်ရန် ဝန်းရံပေးသွားမည်ဟု တရားစီရင်ရေး ဥပဒေစိုးမိုးရေးနှင့် တိုင်ကြားစာများ အသနားခံ စာများ စိစစ်ရေးကော်မတီအဖွဲ့ဝင် မင်္ဂလာ တောင်ညွန့်မြို့နယ်၊ တိုင်းဒေသကြီး လွှတ်တော် ကိုယ်စားလှယ် ဦးရန်အောင်က မဇ္ဈိမသို့ ပြော သည်။ " ကျောင်းထိုင်ဆရာတော်ကိုလည်း မိထားတယ် လို့ သိရပါတယ်၊ အဲဒီတော့ ဒီကိစ္စကို မှန်မှန်ကန်ကန် နဲ့ ထိထိရောက်ရောက် ဥပဒေနဲ့အညီဆောင်ရွက်နိုင် ဖို့ အတွက် ကျွန်တော်တို့တွေ နီးနီးကပ်ကပ် ဆောင် ရွက်သွားမှာ ဖြစ်ပါတယ်၊ ကျွန်တော်တို့က ဒီကိစ္စကို ဝန်းရံရမယ့်အနေအထားဖြစ်ပါတယ်" ဟု မင်္ဂလာတောင်ညွန့်မြို့နယ် တိုင်းဒေသကြီးလွှတ်တော်ကိုယ်စားလှယ် ဦးရန်အောင်က ပြောသည်။ ပြီးခဲ့သည့် နိုဝင်ဘာလ ၂၈ ရက်က လှည်းကူး မြို့နယ်၊ ဘုရားသုံးဆူကျေးရွာ၊ ရမ္မာဝတီကျောင်းတိုက် နေ ဥူးဣန္ဒက ၊ သက်တော် (၆၉)နှစ်အား မင်္ဂလာဒုံမြို့နယ်၊ ထောက်ကြန့်တောင်ပိုင်းရပ်ကွက်ရှိ လမင်းသာ(၂) စားသောက်ဆိုင်တွင်ဆိုင်ရှင်နှင့် ၄င်းတို့ ၂ ဦးက ရိုက်နှက်ခဲ့ကြကြောင်း၊ ဥူးဣန္ဒက၏ လက်ဆွဲအိတ်အတွင်းမှ ငွေကျပ် ၅ သိန်းပျောက်ဆုံးခဲ့ကြောင်းသိရသဖြင့် ထောက်ကြန့် နယ်မြေ ရဲစခန်း (ပ)၁၂၅၆/၂၀၁၇ ၊ ရာဇသတ်ကြီးပုဒ်မ ၂၉၅/၂၉၅-က/၃၂၃/၄၀၃/၁၁၄ ဖြင့်အမှုဖွင့် အရေးယူထားကြောင်း သိရသည်။ =========== Mizzima - News in Burmese http://mizzimaburmese.com/article/34957

    

ကျောက်ကပ်များသည် ခန္ဓာကိုယ်မှ အဆိပ်အတောက်များကို စစ် ထုတ်ရန် နေ့ရောညပါ မရပ်မနား အလုပ်လုပ်ရသော အင်္ဂါများဖြစ် သည်။ ယင်းကျောက်ကပ်များက မရှင်းထုတ်နိုင်လောက်သော ပမာဏအထိ အဆိပ်အတောက် များလာပါက ကျောက်ကပ်လုပ် ဆောင်ချက် နှေးကွေးသွားပြီး ကျောက်တည်ခြင်း၊ ရောဂါပိုးဝင်ခြင်း၊ အရည်ကြည်အိတ်များဖြစ်ပေါ်ခြင်း၊ အကျိတ်ဖြစ်ပေါ်ခြင်းတို့ ဖြစ်နိုင်ပြီး နောက်ဆုံးတွင် လုပ်ဆောင်ချက် လုံးဝရပ်တန့်သွားနိုင် သည်။ ကျောက်ကပ်မှ အဆိပ်အတောက်များကို ပုံမှန်ရှင်းထုတ်ရန် သဘာဝအတိုင်း သန့်စင်သောရေကို များများသောက်ပေးရန် လို သည်။ တစ်နေ့လျှင် ရေရှစ်ဖန်ခွက်သောက်ပေးခြင်းဖြင့် ကျောက်ကပ်မှ အဆိပ်အတောက်များကို ရှင်းထုတ်ရာတွင် အထောက်အကူ ပြုနိုင်သည်။ အကယ်၍ ချွေးထွက်များသူ (သို့မဟုတ်) အားကစား ပုံမှန်လုပ်သူဖြစ်ပါက ရေကို ယင်းထက် ပိုသောက်သင့်သည်။ သို့သော် ရိုးရိုးရေအစား ကော်ဖီကဲ့သို့သော သောက်စရာများကို အစားမထိုးသင့်ပေ။ ပိုတက်ဆီယမ်ကြွယ်ဝသော အသီးအနှံများ ပိုစားပေးပါ။ စပျစ်သီး၊ ရှောက်ချိုသီး၊ လိမ္မော်သီး၊ ငှက်ပျော်သီး၊ ကီ ဝီသီးကဲ့သို့ ပိုတက်ဆီယမ်ကြွယ်ဝစွာ ပါဝင်သော အသီးများစားပါ။ နို့နှင့် ဒိန်ချဉ်တို့တွင်လည်း ပိုတက်ဆီယမ်ပမာဏ ကြွယ်ဝစွာ ပါဝင်သည်။ နံနက်ပိုင်းတွင် စပျစ်သီးဖျော်ရည်တစ်ခွက် သောက် ပေးခြင်းဖြင့် ပိုနေသော ယူရစ်အက်စစ်များကို ရှင်းထုတ်ရန် အထောက်အကူပြုသည်။ သို့သော်လည်း ပိုတက်ဆီယမ်ဓာတ် စားသုံးမှုကို ဟန်ချက်ညီ ရေး ထိန်းသိမ်းရန်လိုသည်။ ထိုသို့မဟုတ်ပါက နှလုံးရပ်ခြင်းကဲ့သို့ သော ပိုတက်ဆီယမ် လွန်ကဲမှုပြဿနာဆိုးများ ကြုံနိုင်သည်။ ဘယ်ရီသီးများသည် ဆီးလမ်းကြောင်းရောဂါများအတွက် အ ထူးကောင်းမွန်ပြီး ကျောက်ကပ်မှ မလိုလားအပ်သော အက်စစ်ဓာတ်များ ရှင်းထုတ်ရန် အထောက်အကူပြုသည်။ မုယောစပါး လက်တစ်ဆုပ်စာကို ညမအိပ်မီ ရေစိမ်ထားပြီး နောက်နေ့နံနက် အိပ်ရာထချိန်တွင် သောက်ပေးခြင်းဖြင့်လည်း ကျောက်ကပ်ကို သန့်ရှင်းစေနိုင်သည်။ မုယောစပါးကို ပုံမှန်စားပး ခြင်းဖြင့် ကျောက်ကပ်ကျန်းမာရေးကို အထောက်အကူပြုသည်။ ကျောက်ကပ်တွင် အဆိပ်အတောက်များ ကင်းဝေးနေစေရေး အရက်၊ ကဖိန်းနှင့် ချောကလက် စသော အစားအစာများ ရှောင်ရှားသင့်သည်။ ထို့အပြင် ပရိုတင်းဓာတ် မြင့်မားသော အစားအစာများက ကျောက်ကပ်ကို ဒုက္ခပေးနိုင်သဖြင့် ချင့်ချိန်စားသုံးသင့်သည်။ ကျောက်ကပ်ကျန်းမာရေးအတွက် ဆေးဝါးတစ်စုံတစ်ရာ သောက်သုံးမည်ဆိုပါက ဆရာဝန်နှင့် တိုင်ပင်စစ်ဆေးပြီးမှသာ သောက်သုံးသင့်သည်။ ============= 7Day News Journal http://www.7daydaily.com/story/114766



တစ်နှစ်ကျော်အတွင်း ကျပ်သိန်းပေါင်းသောင်းနှင့်ချီ၍ ရှာ ဖွေနိုင်သူ မြန်မာနိုင်ငံတွင်ပေါ်နေပါပြီ။ ‘‘မနှစ်က ရှစ်လပိုင်းအထိ ငွေခြောက်သောင်း လောက်ကို နီးစပ်ရာလိုက်လံ အသည်းအသန်ချေး ခဲ့ရသူလေး။ တစ်နှစ်နဲ့သုံးလအကြာ အခုအချိန်မှာတော့ သိန်းပေါင်း ရှစ်သောင်းလောက် ပိုင်ဆိုင်ချမ်းသာသူကြီးဖြစ်ခဲ့လေပြီ’’ အထက်ပါစာသားကြောင့် အားမကျလိုက်ပါနှင့်။ နီးစပ်ရာ လူ တစ်ထောင်ကျော်ထံမှ ကျပ်သိန်းရှစ်သောင်းကျော်လိမ်လည်သွား သော လတ်တလောသတင်းကြီးနေသည့် ဂျူးဂျူး ခေါ် ဒေါ်သက်သက် မြိုင်ကိုရည်ညွှန်း၍ ပြောသောစကားကြောင့်ဖြစ်ပါသည်။ ၂၀၁၆ ဩဂုတ်လတွင် ငွေခြောက်သောင်းလောက်အရေးပေါ်လိုနေသဖြင့် မိတ်ဆွေတစ်ဦးထံ ကျပ်လေးသိန်းဖြင့်ဝယ်ထားသည်ဆိုသော ပလက်တီနမ်ကြိုး အပေါင်သဘောမျိုးထားပါမည် ခဏချေးငှားပါဟု ဂျူးဂျူးကမိတ်ဆွေတစ်ဦးထံ ဖေ့စ်ဘွတ်ခ်မက်ဆင်ဂျာမှတစ်ဆင့် ပြော၍ အကူအညီတောင်းသောစာကိုကူး၍ TZ အောင်အမည်ရှိ ဖေ့စ်ဘွတ်ခ် သုံးစွဲသူက အထက်ပါစာကို ရေးသားမျှဝေခဲ့ခြင်း ဖြစ်သည်။ နာမည် ကျော် ဂျူးဂျူးခေါ် ဒေါ်သက်သက်မြိုင်ဖေ့စ်ဘွတ်ခ်အကောင့်အမည် thet Myaing ၏ လှည့်စားမှုအတက်ပညာကို ကြုံဖူးသူတစ်ဦးကလည်း ငွေခြောက်သောင်းချေးဖူးကြောင်း ပို့စ် အောက်တွင်သူ၏အတွေ့အကြုံကို ထပ်မံမျှဝေပြန်သည်။ ငွေလိုနေ သဖြင့် တိုက်ခန်းစာချုပ်ပေးထားမည်။ ငွေနှစ်သိန်းခဏချေးပါဟု ၂၀၁၆ နှစ်လယ်ပိုင်းမှာပင် အကူအညီတောင်း ခဲ့ဖူးသေးကြောင်း ဖြစ်ပါသည်။ အထက်ပါကဲ့သို့ ပလက်တီနမ်ကြိုး၊ တိုက်ခန်းစာချုပ်တို့ရှိသည် ဆိုကာ ကျပ်ခြောက်သောင်း၊ ကျပ်နှစ်သိန်းစသဖြင့် ချေးခဲ့သော အသက် (၂၈)နှစ်အရွယ် ဒေါ်သက်သက်မြိုင်မှာ တစ်နှစ်ကျော်ကြာသောအခါ လူ ၁၆၀၀ ၀န်းကျင်ထံမှ ကျပ်သိန်းရှစ်သောင်းခန့်လိမ်လည်တိမ်းရှောင်နေပြီဖြစ်သည်။ ယခင်ကြုံတွေ့ခဲ့ဖူးသော လိမ်လည်နည်းများကဲ့သို့ပင် ၎င်း က Jude Jude Family၊ သင့်မြတ် အများနှင့်သက်ဆိုင်သောကုမ္ပဏီတို့ ကို ဗန်းပြ၍ အမြတ်များစွာပေးမည်ဆိုသောငါးစာဖြင့် အလိမ်ခံရသူများ ကို စည်းရုံးသိမ်းသွင်းလိမ်လည်ခဲ့ခြင်းဖြစ်သည်။ စိတ်မကောင်းစရာနှင့် အံ့ဩစရာကောင်းလှသည်မှာ ရှေ့တွင်အ မြတ်များစွာပေးမည်ဆိုပြီး ပုံစံတူလိမ်လည်မှုများစွာဖြစ်ဖူးသော်လည်း၊ ထိုကဲ့သို့ လိမ်လည်မှုသတင်းများကို မီဒီယာများတွင် ကျယ်ကျယ်ပြန့် ပြန့်ဖော်ပြခဲ့သော်လည်း အမှတ်မရှိသူများစွာရှိနေခြင်းဖြစ်ပါသည်။ ယခုနှစ်အတွင်းမှာပင် စီးပွားရေးမြို့တော်ရန်ကုန်မြို့တွင် အချီကြီးလိမ် လည်မှုနှစ်ခုကြုံခဲ့ပြီးဖြစ်သည်။ ပထမဖြစ်စဉ်မှာ Myanmar Junwell Global ကုမ္ပဏီကဈေးဝယ်ကတ်လုပ်သည်ဆိုကာ အစုရှယ်ယာများ ဖိတ်ခေါ်ပြီး မလေးရှားနိုင်ငံသားလေးဦးက အမေရိကန်ဒေါ်လာတစ်သန်း ခွဲလိမ်လည်သွားခဲ့ခြင်းဖြစ်သည်။ ထိုလိမ်လည်မှုမှာလည်း ယခုချိန်ထိ တိုင် မည်သည့်အရေးယူမှုမျှ မပြုလုပ်နိုင်သေးပေ။ ဂျူးဂျူး၊ ရွှေမိုးစက်(ထက်လွင်ဦး)နှင့်အပေါင်းအပါများလိမ်လည်မှုကြောင့် တစ်ဦးလျှင်အနည်းဆုံးကျပ် ၁၀ သိန်းမှ အများဆုံးကျပ်သိန်း ၂,၀၀၀ အထိ နိုင်ငံတစ်ဝန်းမှ ပြည်သူ ၁,၆၀၀ ခန့်ထံမှ ကျပ်သိန်းရှစ်သောင်းခန့် ပါသွားခဲ့သည်။ မုန့်ဖုတ်လုပ်ငန်း၊ အလှပြင်ဆိုင်၊ ကားရေ ဆေးဆီထိုးလုပ်ငန်း၊ ငွေကြေးလဲလှယ်ရေးလုပ်ငန်း၊ ကျောက်မျက် ရတနာအရောင်းဆိုင်၊ ဖက်ရှင်ဆိုင်၊ မင်္ဂလာဆောင်ဝန်ဆောင်မှုစသောလုပ်ငန်းပေါင်းများစွာလုပ်ကိုင်မည်ဆိုပြီး အမြတ်ငွေ ၂၀ ရာခိုင်နှုန်းမှ၃၀ ရာခိုင်နှုန်းပေးမည်ဆိုကာ လိမ်လည်သွားခဲ့ခြင်းဖြစ်သည်။ လိမ်လည်ခံရသူများက ၎င်းတို့၏ငွေများပြန်ရရန်နှင့် ကျူးလွန်သူများကိုအပြစ်ပေး အရေးယူနိုင်ရန်ကြိုးပမ်းနေသော်လည်း အဓိကလိမ်လည်သူဂျူးဂျူးမှာ လက်ရှိတွင် ခြေရာဖျောက်နေပြီဖြစ်သည်။ သို့သော် ယခုကဲ့သို့ငွေကြေး အစုရှယ်ယာများကို ယုံကြည်သဖြင့် ပေးအပ်ခဲ့သောဖြစ်စဉ်မျိုးမှာ ရဲအ ရေးမပိုင်ဘဲ တရားရုံးသို့ဦးတိုက် လျှောက်ရန်လိုသည်။ ထို့ကြောင့် ချက်ချင်းအရေးယူ၍မရသည်များလည်းရှိနေသည်။ ၂၀၀၀ ပြည့်နှစ်ဝန်းကျင်တွင် အမြတ်ငွေများစွာပေးမည်ဆိုကာ လိမ်လည်ခဲ့သော အကျိုးဆောင်လုပ်ငန်းများယခုနှစ်ပိုင်းအတွင်းမကြာခဏ ဖြစ်ပေါ်နေသောဆင့်ပွားစနစ်ဖြင့် လိမ်လည်မှုကဲ့သို့ဖြစ် ရပ်များ ကို သင်ခန်းစာယူ၍ လောဘနောက်မလိုက်ဘဲအယုံမလွယ်ကြရန်အရေးကြီးလှသည်။ သို့မှသာ ဇာတ်လမ်းမျိုးစုံဖြင့် လိမ်လည် သူများ၏ သားကောင်မဖြစ်မည်ဖြစ်၏။ ပြည်သူများအကြိမ်ကြိမ်အလိမ်ခံရပြီး နစ်နာဆုံးရှုံးမှု များသ ထက် များလာပြီဖြစ်၍ အစိုးရ၊ လွှတ်တော်နှင့်ရဲတပ်ဖွဲ့တို့ကလည်း ပြည်သူ့မျက်နှာကိုရှေးရှုကာ အလားတူဖြစ်စဉ်မျိုးကိုကာကွယ်နိုင် ရန်၊ ထပ်မံပေါ်ပေါက်ပါက ထိထိရောက်ရောက်အရေးယူနိုင်ရန် အတွက် လိုအပ်သောဥပဒေများပြဋ္ဌာန်းရန်၊ စီမံချမှတ်ဆောင်ရွက်ရန် အရေးတကြီးလိုအပ်နေပြီဖြစ်ပါသည်။ ========== 7Day News Journal http://7daydaily.com/story/114738

အ  

နှစ်စဉ် နိုဝင်ဘာနဲ့ ဒီဇင်ဘာ စပ်ကူးမတ်ကူး ကာလရောက်ရင် အမျိုးသမီးတွေအပေါ် အကြမ်းဖက်မှုပပျောက်ရေး “ထာဝရ ဖဲကြိုးဖြူ” လှုပ်ရှားမှု တေးသံတွေနဲ့အတူ ဖဲကြိုးဖြူလှုပ်ရှားမှု လှုံ့ဆော်နေတဲ့ ပုံရိပ်တွေဟာ မြို့ပြတွေပေါ်မှာရော၊ လူမှုဆက်သွယ်ရေးကွန်ရက် Facebook စာမျက်နှာထက်တွေမှာပါ မြင်တွေ့ရပါတယ်။ ဒီနှစ်လည်း အမျိုးသားတွေ၊ အမျိုးသမီးတွေရဲ့ ရင်ဘတ်မှာ ဖဲကြိုးဖြူရင်ထိုးတွေ တပ်ဆင်ထားတဲ့ လှုပ်ရှားမှုဓာတ်ပုံတွေ Facebook စာမျက်နှာထက်မှာ ဝေဝေဆာဆာ တွေ့မြင်လာရသလို ဒီနှစ်မှာတော့ ဖဲကြိုးဖြူသံချပ်ပြိုင်ပွဲတွေ၊ ပညာပေး ဇာတ်လမ်းတွေ၊ ဆွေးနွေးပွဲအစီအစဉ်တွေနဲ့ ဖဲကြိုးဖြူလှုပ်ရှားမှုက အရင်နှစ်တွေထက် ပိုပြီးတောင် အသက်ဝင်နေပါတယ်။ ၁၉၆၀ ခုနှစ်တုန်းက စစ်အာဏာရှင်ရဲ့ သတ်ဖြတ်မှုခံခဲ့ရတဲ့ ဒိုမီနီကန်နိုင်ငံက နိုင်ငံရေးတက်ကြွလှုပ်ရှားသူ ညီအစ်မ ၃ ဦး အသတ်ခံရတဲ့နေ့ကို အကြောင်းပြုပြီး အမျိုးသမီးတွေ အားလုံးနည်းမျိုးစုံနဲ့ အကြမ်းဖက်ခံရမှုကနေ လွတ်မြောက်ရေးဆိုတဲ့ လှုပ်ရှားမှုအနေနဲ့ နိုဝင်ဘာ၂၅ ရက်ကို နိုင်ငံတကာ အမျိုးသမီးများအပေါ် အကြမ်းဖက်မှုပပျောက်ရေးနေ့ (International Day for the Elimination of Violence against Women) အဖြစ် သတ်မှတ်ခဲ့ကြပါတယ်။ အဲဒီနေ့ကစလို့ ဒီဇင်ဘာ ၁၀ ရက် အထိ ၁၆ ရက်တာ ဖဲကြိုးဖြူလှုပ်ရှားမှုကို လူမှုအသိုင်းအဝိုင်းအတွင်း အကြမ်းဖက်မှု ပပျောက်ရေး အသိပညာပေးရေးအတွက် မြန်မာနိုင်ငံ အပါဝင်ကမ္ဘာတဝှမ်းက နိုင်ငံအသီးသီးမှာလည်း နိုင်ငံအလိုက် အမျိုးသမီးအဖွဲ့တွေ ဦးဆောင်ပြီး နေရာအနှံ့မှာ နှစ်စဉ်နှစ်တိုင်း ပြုလုပ်ကြပါတယ်။ အရင်တုန်းကတော့ အမျိုးသမီးတွေအပေါ် အကြမ်းဖက်မှု ပပျောက်ရေးနေ့ကို အမျိုးသမီးတွေပဲ ဦးဆောင်ပြီး အမျိုးသမီးတွေကြားမှာပဲ ပညာပေးစည်းရုံးမှုတွေ ပြုလုပ်ခဲ့ကြပေမယ့် အခုနောက်ပိုင်း လှုပ်ရှားမှုတွေမှာတော့ အမျိုးသားတွေရဲ့ ပါဝင်မှုအရေးကြီးပုံကို ပိုပြီး မီးမောင်းထိုးလာကြသလို အမျိုးသားတွေရဲ့ ပူးပေါင်းပါဝင်မှုတွေလည်း ပိုတွေ့လာရပါတယ်။ မကြာခင်ရက်ပိုင်းကပဲ “၁၆ ရက်တာလှုပ်ရှားမှု” အမည်နဲ့ ရုပ်သံအစီအစဉ်တခုမှာ ပါဝင်ဆွေးနွေးသွားတဲ့ အမျိုးသားတဦးက “အကြမ်းဖက်မှုကို ကျူးလွန်သူတွေဟာ အမျိုးသားတွေ ဖြစ်တယ်” အကြမ်းဖက်မှု ပပျောက်သွားဖို့အတွက် အမျိုးသားတွေ ကိုယ်တိုင် ရပ်တန့်ရမယ်ဆိုပြီး ဆွေးနွေးသွားခဲ့ပါတယ်။ အဲဒါနဲ့ တချိန်တည်းမှာဘဲ အမျိုးသမီးအရေးလှုပ်ရှားနေတဲ့ အဖွဲ့အစည်းတွေကလည်း “ဖဲကြိုးဖြူတပ်ဆင်ခြင်းဟာ အမျိုးသားတွေ ကိုယ်တိုင်လည်း အမျိုးသမီးနှင့် မိန်းကလေးငယ်များအပေါ် အကြမ်းမဖက်ပါဘူးလို့ ကတိကဝတ် ပြုတာဖြစ်ပါတယ်” ဆိုတဲ့ သတင်းစကားတွေပေးပြီး ပုံစံမျိုးစုံနဲ့ နေရာမျိုးစုံမှာ လှုပ်ရှားမှုတွေ လုပ်နေကြပါတယ်။ အကြမ်းဖက်မှုရပ်တန့်ရေးအတွက် အမျိုးသမီးတွေသာမက အမျိုးသားတွေရော တဖြည်းဖြည်း ပူးပေါင်းပါဝင် လှုပ်ရှားလာတာဟာ အပြုသဘောဆောင်တဲ့ တိုးတက်ပြောင်းလဲမှုဆိုတာကိုလည်း လက်ခံရပါမယ်။ ဒါပေမဲ့ အကြမ်းဖက်မှုကို ကျူးလွန်သူဟာ အမျိုးသားတွေဖြစ်လို့ သူတို့တွေရဲ့ပါဝင်မှုဟာ အရေးကြီးတယ်ဆိုတဲ့ အချက်ကိုတော့ ဘဝင်မကျလှပါဘူး။ ဒါပေမဲ့ ဒီအယူအဆက တဖက်မှာလည်း အမျိုးသားတွေကို “အကြမ်းဖက်သူ” အဖြစ် မသိမသာတံဆိပ်ရိုက်လိုက်သလို အမျိုးသားတွေက ကူညီပါမှ အမျိုးသမီးတွေ လွတ်မြောက်မယ်ဆိုတဲ့ အမြင်ကိုလည်း ပံ့ပိုးနေပါတယ်။ ဒါဆိုရင်အမျိုးသားတွေက အကြမ်းဖက်သူလား။ ဒါမှမဟုတ်ကယ်တင်ရှင်တွေလား တွေးကြည့်ရမှာပါ။ “အမျိုးသမီးတွေ အပေါ် နည်းမျိုးစုံနဲ့ အကြမ်းဖက်မှု” ကိုပြောတဲ့နေရာမှာ ဘယ်သူက ရိုက်နှက်သူ၊ ဘယ်သူကဖြင့် ခံရသူဆိုပြီး နှစ်ဖက်တည်းကြည့်လို့ မလုံလောက်ပါဘူး။ သူတို့နှစ်ဖက်လုံးရဲ့ နောက်က လက်မည်းကြီးကို ကြည့်နိုင်ဖို့လိုပါတယ်။ ဒီလိုအကြမ်းဖက်မှု ကျူးလွန်ရအောင် သူတို့ကို ဘာတွေကတွန်းပို့ နေတာလဲဆိုတာ သိဖို့လိုပါတယ်။ တကယ်တမ်းကျတော့ အမျိုးသားဆိုတာနဲ့ အကြမ်းဖက်မှုတွေရဲ့ တရားခံမဟုတ်သလို အမျိုးသမီးတွေရဲ့ ကယ်တင်ရှင် တွေလည်း မဟုတ်ပါဘူး။ သူတို့လည်း အမျိုးသမီးတွေနည်းတူ စနစ်တခုရဲ့ အကြမ်းဖက်ခံရသူတွေပါပဲ။ အဲဒီစနစ်ကတော့ အမျိုးသားတွေက ပိုမြင့်မြတ်တယ်။ အမျိုးသားတွေကသာ သူရဲကောင်းတွေဖြစ်တယ်လို့ ပုံသွင်းထားပြီး အမျိုးသမီးတွေကို အားနည်းသူ၊ ပါရမီဖြည့်သူအဖြစ် ပုံဖော်ထားတဲ့ လူမှုစနစ်ဖြစ်ပါတယ်။ တနည်းအားဖြင့် အမျိုးသားကြီးစိုးရေးစနစ်ပါ။ ဒီစနစ်ကြီးကြောင့်ပဲ အမျိုးသမီးတွေဟာ သနားစရာ အကြမ်းဖက်ခံရသူတွေဖြစ်လာပြီး အမျိုးသားတွေကတော့ အကြမ်းဖက်မှုကျူးလွန်သူ ဗီလိန်နေရာကို ရောက်လာတာပဲလို့မြင်မိပါတယ်။ ကျမတို့ လူမှုအသိုင်းအဝိုင်းမှာ ယောက်ျားဆိုရင် သူ့ဇနီးမယားကို ဆုံးမခွင့်ရှိတယ်ဆိုတဲ့ အတွေးအခေါ်နဲ့ အတူ အမျိုးသမီးတွေကို ရိုက်နှက် အကြမ်းဖက်တာက လက်သင့်ခံစရာ အမူအကျင့်တွေဖြစ်လာတယ်။ ဒါတွေဟာ ခေတ်တွေ ဘယ်လောက်ပြောင်းပြောင်း ကျမတို့လူမှုအသိုင်းအဝိုင်းမှာ အခုချိန်ထိ ခိုင်ခိုင်မာမာ အမြစ်တွယ်နေတုန်းပါ။ ဥပမာ- မြန်မာနိုင်ငံ ရာဇသတ်ကြီး ဥပဒေပုဒ်မတွေထဲက နာကျင်စေမှုဆိုတဲ့ ခေါင်းစဉ်အောက်မှာ ပုဒ်မ ၁၁၉ က စလို့ ကိုယ်ထိလက်ရောက် ထိခိုက်နာကျင်စေတဲ့ အကြမ်းဖက်မှုတွေကနေ ကာကွယ်ပေးတဲ့ ဥပဒေတွေ အများကြီးရှိပါတယ်။ ဒါပေမဲ့ကျမတို့ ပတ်ဝန်းကျင် အသိုင်းအဝိုင်းတွေမှာတော့ အိမ်တအိမ်မှာ မိန်းမတယောက်ကို ရိုက်နှက် ထုထောင်းနေတဲ့ အမှုတွေ အများကြီးကို သက်ဆိုင်ရာ ကျေးရွာသူကြီးတွေ၊ ဥပဒေဘက်တော်သားတွေရဲ့ ဖြေရှင်းမှုကတော့ ရှိထားတဲ့ ဥပဒေ ပုဒ်မတွေနဲ့ ဖြေရှင်းရမယ့်အစား “လင်နဲ့မယားလျှာနဲ့သွား” ဆိုတဲ့ စကားနဲ့ အတတ်နိုင်ဆုံး ပြေလည်အောင် ပြန်ညှိနှိုင်းပေးတဲ့ သာဓကတွေက ပိုများပါတယ်။ အဆိုးဆုံး အနေနဲ့ ရိုက်ရင်း လက်လွန်ပြီး အသက်သေဆုံးမှသာ သေမှုသေခင်းအရ အပြစ်ပေး အရေးယူတာရှိပါတယ်။ ဒါတောင်ကျမတို့ ပတ်ဝန်းကျင်အတွင်းမှာ သူ့ယောက်ျား ဒီလိုလက်လွန်အောင် သူ့မိန်းမက ဘာလုပ်လို့လဲ ဆိုတဲ့ ယောက်ျားက မမှားနိုင်ဘူး စတဲ့ အတွေးအခေါ်တွေကလည်းရှိနေတာတွေ့ရမှာပါ။ ဒါကိုကြည့်ခြင်းအားဖြင့် ကျမတို့လူမှု အသိုင်းအဝိုင်းမှာ လင်ယောက်ျားက မိန်းမကိုရိုက်တယ်ဆိုတာ သဘာဝတခုလို၊ လုပ်ခွင့်ရှိသလို ထင်မှတ်ယူနေကြတာကိုလည်း မြင်တွေ့နေကြရမှာပါ။ ဥပဒေ အဆင့်မှာတောင် ဒီလိုဖြစ်နေတယ်ဆိုရင် ကျမတို့ ပတ်ဝန်းကျင်မှာ အရိုးစွဲနေကြတဲ့ “မိန်းမနဲ့ နွား မသနားရ” တို့၊ “အရိုးစွဲအောင်ရိုက်မှ အသည်းကွဲ အောင်ချစ်တယ်” တို့၊ စတဲ့ အယူ အဆတွေအောက်မှာ အမျိုးသားတွေကို အကြမ်းဖက်မှု ကျူးလွန်ခွင့်တွေ ဘယ်လောက်ထိ ခွင့်ပြုထားလဲဆိုတာ တိုင်းတာလို့မရပါဘူး။ ဒီလိုအခြေအနေတွေဟာ ကျမတို့ရဲ့ အယူအဆစွဲနေကအစ ဥပဒေအဆုံး အမျိုးသားတွေကို အကြမ်းဖက်သူတွေဖြစ်အောင် ပုံသွင်းနေတယ်လို့ ခံစားမိပါတယ်။ တချိန်တည်းမှာ အမျိုးသမီးတွေကိုလည်း သားကိုသခင်၊ လင်ကို ဘုရားဆိုတဲ့ အတိုင်း ယောက်ျားက ဘာဖြစ်နေ ဖြစ်နေရိုသေရမယ်၊ လေးစားရမယ်ဆိုတဲ့ အမြစ်တွယ်နေတဲ့ အယူအဆတွေ၊ ယောက်ျား ဘယ်လောက်ဆိုးဆိုး၊ ယောက်ျား ဘယ်လောက် ရိုက်ရိုက် သည်းခံရမယ်ဆိုတဲ့ အယူအဆတွေနဲ့ အမျိုးသမီးတွေကို အကြမ်းဖက်ခံရမှုနဲ့ ယဉ်ပါးအောင် သွတ်သွင်းသလို ဖြစ်နေပါတယ်။ ဒီအခြေအနေတွေက အမျိုးသမီးတွေကို ခံရသူတွေဖြစ်အောင် တွန်းပို့နေတာပါ။ ဒါဟာ အိမ်တွင်းအကြမ်းဖက်မှုဆိုတဲ့ ခေါင်းစဉ်အောက်က ကိုယ်ထိလက်ရောက် အကြမ်းဖက်မှု တခုတည်းကိုသာ ဥပမာပေး ဆွေးနွေးတာပါ။ တခြားနည်းမျိုးစုံနဲ့ အကြမ်းဖက်မှုတွေ ဆွေးနွေးလို့ မကုန်အောင် ရှိပါသေးတယ်။ ဒါကြောင့် အမျိုးသမီးရော၊ အမျိုးသားရော နှစ်ဖက်လုံးက အယူအဆမှားတွေကြောင့် ရာစုနှစ်ပေါင်းများစွာ ပုံသွင်းခံလာရခြင်း အတူတူပဲဖြစ်ပါတယ်။ ခံရသူနဲ့ ကျူးလွန်သူဆိုတဲ့ အသွင်းခံရတဲ့ပုံစံသာ ကွာခြားတာပါ။ ဒီပုံစံခွက်တွေကို ကျမတို့ လက်သင့်ခံနေသရွေ့ ဒီပုံစံခွက်ကြောင့် ဖြစ်လာတဲ့ အကြမ်းဖက်လုပ်ရပ်တွေကို ရပ်တန့်ဖို့၊ ဖျောက်ဖျက်ဖို့ဆိုတာ လက်တွေ့ကျတယ်လို့မထင်ပါဘူး။ နောက်ကွယ်က လက်မည်းကြီးဖြစ်တဲ့ ဒီတွေးခေါ်ယူဆချက်ကြီးကို ဘေးချိတ်ပြီး “အမျိုးသမီးတွေလည်း အကြမ်းဖက်ခံရတာ ထုတ်ပြောပါ၊ အမျိုးသားတွေလည်း ရပ်တန့်ပါ” ဆိုတာကြီးက အနာကျက်ဆေး မရှိလို့ ပါရာစီတမောပဲ လှိမ့်သောက်နေရတဲ့ လူနာလိုပါပဲ။ နည်းနည်းတော့ သက်သာနိုင်ပေမယ့် အမြစ်မပြတ်နိုင်ပါဘူး။ ဒီစနစ်ကြီးကနေ ကျမတို့တွေ မရုန်းထွက်သရွေ့ လွဲမှားတဲ့အယူအဆတွေနဲ့ အတူ တွဲပါလာတဲ့ အကြမ်းဖက်မှု လုပ်ရပ်တွေကို လုပ်မှန်းမသိ ဆက်လုပ်မိနေဦးမှာပါ။ ဒါကြောင့် အမျိုးသားတွေက အမျိုးသမီးတွေကို အကြမ်းဖက်သူ ဒါမှမဟုတ် ကယ်တင်ရှင် လို့ မြင်နေကြတာကို အရင်ဆုံး ရှင်းအောင် ကျမတို့မြင်ရပါမယ်။ အမျိုးသမီးတွေအပေါ် နည်းမျိုးစုံနဲ့ အကြမ်းဖက်မှု ပပျောက်ရေးလှုပ်ရှားမှုတွေ လုပ်တဲ့အခါ အမျိုးသားတွေကို ကူညီသူအဖြစ် ဒါမှမဟုတ် အကြမ်းဖက်မှု တရားခံအဖြစ် ပုံဖော်တာထက်စာရင် အကြမ်းဖက်မှု သံသရာရဲ့ သားကောင်အဖြစ်ကနေ ရုန်းထွက်ဖို့ တာဝန်ရှိသူတွေအဖြစ် အသိပညာပေးမှုက ပိုထိရောက်တယ်လို့ မြင်ပါတယ်။ တချိန်တည်းမှာ အမျိုးသားတွေ အနေနဲ့လည်း “သူတို့ လွတ်မြောက်ဖို့ ငါတို့ဝိုင်းဝန်း ကူညီရမယ်” ဆိုတဲ့ သူရဲကောင်း အမြင်ထက် “ငါတို့ အတူတူ ဒီစနစ်ကြီးကနေ ရုန်းထွက်ကြမယ်” ဆိုတဲ့ တာဝန်ယူစိတ်တွေနဲ့ ပူးပေါင်းပါဝင်လာမှသာ အကြမ်းဖက်မှုတွေလျော့ကျစေဖို့ ပိုမိုထိရောက်အောင်မြင်တဲ့ အပြောင်းအလဲတွေဖြစ်ပေါ်လာမယ်လို့ ကျမအနေနဲ့သုံးသပ်လိုက်ပါရစေ။ အသွင်သစ် ဧရာဝတီ =========== The Irrawaddy - Burmese Edition https://burma.irrawaddy.com/women-in-media/2017/12/04/147257.html