---------
သမီးရည်းစားစုံတွဲ ချိန်းတွေ့ရာမှ စကားများရန်ဖြစ်ကာ ပုလင်းကွဲဖြင့်ထိုးမှုဖြစ်ပွား
အမရပူရမြို့နယ် တောင်သမန်ကျေးရွာအုပ်စု ထန်းတောကျေးရွာရှိ ရွှေဘုံသာသာသနာ့ရိပ်သာကျောင်းဝင်း အရှေ့တောင်ထောင့်၌ ဇွန် ၂၆ ရက် မွန်းလွဲပိုင်းက ရတနာပုံတက္ကသိုလ်မှ သမီးရည်းစားစုံတွဲ ချိန်းတွေ့ရာမှ စကားများရန်ဖြစ်ကာ ပုလင်းကွဲဖြင့်ထိုးမှုဖြစ်ပွားခဲ့ပြီး ကျောင်းသူတစ်ဦး သေဆုံးသွားကြောင်း သိရသည်။
ရတနာပုံတက္ကသိုလ်မှ တတိယနှစ် ပထဝီဝင်ကျောင်းသား ထွန်းထွန်းကျော်(၂၀ နှစ်) မိုးမိတ်ခရိုင်၊ မဘိန်းမြို့နယ် ဝိုင်းလုံကျေးရွာနေသူနှင့် ဒုတိယနှစ် ဥပဒေကျောင်းသူ မစောမြတ်မွန်(၁၉ နှစ်) တပ်ကုန်းမြို့နယ် သပြေချောင်းကျေးရွာနေသူတို့ သမီးရည်းစားသည် ချိန်းတွေ့ရာမှ စကားမျာရန်ဖြစ်ကာ ထွန်းထွန်းးကျော်မှ မစောမြတ်မွန်အား အနီးရှိပုလင်းခွံဟောင်းအား ရိုက်ခွဲပြီး ထိုးခဲ့သဖြင့် အခင်းဖြစ်နေရာတွင် သေဆုံးသွားခဲ့ကြောင်း သိရသည်။
သေဆုံးသူအား လူနာတင်ယာဉ်ဖြင့် မန္ထလေးပြည်သူ့ဆေးရုံကြီးသို့ ပို့ဆောင်ထားရှိပြီး တရားခံ ထွန်းထွန်းကျော်အား အမရပူရမြို့မရဲစခန်း ရဲအုပ် မင်းပိုင်ဦးနှင့်အဖွဲ့မှ ဖမ်းဆီးခေါ်ဆောင်သွားကြောင်း ကနဦးသတင်းရရှိသည်။
#TheMandalayNewsJournal
No comments:
Post a Comment