လာမယ့် မတ်လ ၁၇ ရက်မှာ နိုင်ငံတော်သမ္မတနဲ့ ဒုတိယ သမ္မတများ ရွေးချယ် တင်မြောက်နိုင်မယ့် ရွေးချယ်ခံရမယ့် နာမည်စာရင်းတွေကိုထုတ်ပြန်ဖို့ သတ်မှတ်လိုက်ပါပြီ။

သမ္မတသစ်တွေ မတ်လမှာ ရွေးချယ်မည်

08.02.2016 19:37

မေခ

ဒုတိယ အကြိမ်မြောက်ကျင်းပတဲ့ ပြည်ထောင်စု လွှတ်တော်

လာမယ့် မတ်လ ၁၇ ရက်မှာ နိုင်ငံတော်သမ္မတနဲ့ ဒုတိယ သမ္မတများ ရွေးချယ် တင်မြောက်နိုင်မယ့် ရွေးချယ်ခံရမယ့် နာမည်စာရင်းတွေကိုထုတ်ပြန်ဖို့ သတ်မှတ်လိုက်ပါပြီ။ ဒီကနေ့မှာ နိုင်ငံတော်သမ္မတ ဦးသိန်းစိန်ကလည်း လွှတ်တော်ကိုယ်စားလှယ်တွေအနေနဲ့ ကတိသစ္စာပြုထားတဲ့အတိုင်း နိုင်ငံတော် ဖွဲ့စည်းပုံအခြေခံဥပဒေကို ထိန်းသိမ်းကာကွယ်ကာ ဥပဒေ အသစ်ပြဌာန်းခြင်း၊ ပြင်ဆင်ခြင်း၊ အသစ်ရေးဆွဲခြင်းများ လုပ်ဖို့ လွှတ်တော်ကိုယ်စားလှယ်တွေကို တိုက်တွန်းလိုက်ပါတယ်။ဒီသတင်းအပြည့်အစုံကို ဗွီအိုအေမြန်မာပိုင်းက မေခက နေပြည်တော်ကနေပေးပို့ထားပါတယ်။

အနိုင်ရ NLD ပါတီက ဦးဆောင်တဲ့ ဒုတိယ အကြိမ်မြောက်ကျင်းပတဲ့ ပြည်ထောင်စု လွှတ်တော်ကိုစတင်ကျင်းပတာမှာ အခုလို နိုင်ငံတော်သမ္မတနဲ့ ဒုတိယ သမ္မတများ ရွေးချယ် တင်မြောက်နိုင်မယ့် ရွေးချယ်ခံရမယ့် နာမည် စာရင်းတွေကိုထုတ်ပြန်ဖို့ သတ် မှတ်လိုက်တာဖြစ်ပါတယ်။ ရွေး ချယ်ရမှာနဲ့ ပက်သတ်ပြီး ပြည်ထောင်စုလွှတ်တော်နာယက ဦးမန်းဝင်းခိုင်သန်းက အခုလိုလွှတ်တော်မှာပြောဆိုလိုက်တာပါ။

“သက်ဆိုင်ရာလွှတ်တော်ကိုယ်စားလှယ်များ အစုအဖွဲ့လိုက် ဒုတိယသမ္မတ တဦးစီ ရွေးချယ်တင်မြောက်ပြီးပါက သက်ဆိုင်ရာ လွှတ်တော် ဥက္ကဋ္ဌက ရွေးချယ် တင်မြောက်ခံရတဲ့ ဒုတိယသမ္မတ အမည်စာရင်းကို ပြည်ထောင်စုလွှတ်တော် နာယကထံသို့ တင်ပို့ တင်ပြရမှာဖြစ်ပါတယ်။”

သမ္မတရွေးချယ်ဖို့ဒီလို ရက်သတ်မှတ်လိုက်တဲ့ ဒီကနေ့ ကျင်းပတဲ့ ပြည်ထောင်စု လွှတ်တော်အတွက် နိုင်ငံတော်သမ္မတဦးသိန်းစိန်ကသဝဏ်လွှာ ပေးပို့ခဲ့တာမှာ သမ္မတက လွှတ်တော်ကိုယ်စားလှယ်တွေအနေနဲ့ကတိသစ္စာပြုထားတဲ့ အတိုင်း ဖွဲ့စည်းပုံအခြေခံဥပဒေကို ထိန်းသိမ်းကာကွယ်ကာ ဥပဒေ အသစ်ပြဌာန်းခြင်း၊ ပြင်ဆင်ခြင်း၊ အသစ်ရေးဆွဲခြင်းများ လုပ်ဖို့ လွှတ်တော်ကိုယ်စားလှယ်တွေကို တိုက်တွန်းလိုက်ပါတယ်။ သမ္မတ သဝဏ်လွှာကို ပြည်ထောင်စုလွှတ်တော်နာယက အခုလိုလွှတ်တော်မှာ ဖတ်ကြားခဲ့ပါတယ်။

“ပြည်ထောင်စုလွှတ်တော်သည် ဥပဒေပြုရေးဆိုင်ရာ အမြင့်ဆုံး အဖွဲ့ဖြစ်သည့်အားလျှော်စွာ နိုင်ငံတော်နှင့် နိုင်ငံသားများ အကျိုးအတွက် ဥပဒေ များအသစ်ပြဌာန်းခြင်း၊ ပြင်ဆင်ပြဌာန်းခြင်း၊ ရုတ်သိမ်းခြင်း တို့ကို ဆောင်ရွက်ကြရာ၌ နိုင်ငံတော် ဖွဲ့စည်းပုံအခြေခံဥပဒေကို ထိမ်းသိမ်း ကာကွယ်စောင့်ရှောက်ပြီး နိုင်ငံတော်၏ ဥပဒေများကိုလည်း လိုက်နာပါမည်ဟု ကတိသစ္စာပြုထားသည့်အလျှောက် အခြေခံဥပဒေပါ ပြဌာန်းချက်များနှင့် ညီညွှတ်မှုရှိစေရေး အလေးထားဆောင်ရွက်ကြမယ်ဟု မျှော်လင့်မိပါသည်။”

လာမယ့် မေလ ၁၇ရက်မှာ နာမည်စာရင်းတွေထုတ်ပြန်ကြေညာပြီးရင် ထုတ်ပြန်ခံရတဲ့ သမ္မတလောင်း လျာထားခံရသူတွေဟာ နိုင်ငံတော်သမ္မတ အတွက် သတ်မှတ်အရည်အချင်းနဲ့ ပြည့်စုံခြင်းရှိမရှိကို စိစစ်ဖို့ သမ္မတရွေးချယ်တင်မြောက်ရေးအဖွဲ့က စိစစ်ရမှာဖြစ်ပါတယ်။ သမ္မတရွေးချယ်တင်မြောက်ရေးအဖွဲ့မှာ လွှတ်တော်နှစ်ရပ်က

လွှတ်တော်ဥက္ကဋ္ဌ နှစ်ဦး၊ ဒု ဥက္ကဋ္ဌနှစ်ဦး အပြင် လွှတ်တော် ၂ရပ်က သတ်မှတ်ထားတဲ့ လွှတ်တော်ကိုယ်စားလှယ်တွေ တို့ပါဝင်မှာ ဖြစ်ပါတယ်။ ဒီအဖွဲ့ကလွှတ်တော် ၂ရပ်နဲ့ တပ်မတော်သားအစုအဖွဲ့တွေက သမ္မတလောင်းလျာ ဒုသမ္မတနေရာအတွက် ရွေးချယ်လိုက်တဲ့ ၃ ဦးထဲကနေ နိုင်ငံ တော်သမ္မတဖြစ်မယ့်သူကို ဆန္ဒမဲပေးရွေးချယ်သွားမှာ ဖြစ်ပြီး မဲအများဆုံးရသူက သမ္မတဖြစ်မှာဖြစ်ပါတယ်။

လက်ရှိမှာ ဒေါ်အောင်ဆန်းစုကြည်ကို သမ္မတဖြစ်နိုင်ဖို့ အတွက် တပ်မတော်ဘက်နဲ့ညှိုနှိုင်းမှုတွေလုပ်နေတယ်လို့ သတင်းတွေထွက်ပေါ်နေပေမယ့် တပ်ပိုင်း ကကော NLD ဘက်ကပါ ဒါကိုအတည်ပြုပေးခြင်းမရှိသေးပါဘူး။

ဒေါ်အောင်ဆန်းစုကြည် သမ္မတဖြစ်ဖို့ တားဆီးထားတဲ့ ၅၉(စ) ဥပဒေပြင်ဆင်ဖို့ကိုလည်း တပ်ပိုင်းဆိုင်ရာဘက်က

ဖွဲ့စည်းပုံအခြေခံဥပဒေမှာပြဌာန်းထားတဲ့ အတိုင်းဘဲထားရှိလိုပါတယ်။ ပြီးခဲ့တဲ့ အခေါက်ပြင်ဆင်ထားတာမှာ တပ်ဘက်က ပေးခဲ့တဲ့ သဘောထားအတိုင်းဆက်လက်လက်ခံမှာဖြစ်ကြောင်း၊ ၅၉(စ) ဥပဒေဆိုင်ငံ့ ဖို့လုပ်ဆောင်လာပါကလည်း ဖွဲ့စည်းပုံမှာ ဆိုင်းငံ့လုပ်ဆောင်ဖို့ မပါဝင်တာ ကြောင့် လက်ခံဖို့မရှိဘူးလို့ အမည်မဖော်လိုတဲ့

တပ်မတော်သား ကိုယ်စားလှယ်တဦးကပြောပါတယ်။

ဗိုလ်ချုပ်ကြီးဟောင်းလည်းဖြစ် ကြံ့ခိုင်ရေးပါတီအမတ်အနေနဲ့ဝင်ရောက်ရွေးချယ်ခံရသူ ဦးလှဌေးဝင်းကတော့

၅၉(စ)နဲ့ပက်သတ်ပြီး အခုလိုပြောပါတယ်။

“လောလောဆယ်တော့ ဘာမှမပြောနိုင်သေးဘူး။ ဟိုနေ့ကလည်းပြောထားတယ်လေ။ လောလောဆယ်တော့ ဘာမှ မှတ်ချက်ပြုစရာမရှိသေးပါဘူး။ စောပါသေးတယ်။ အခုက ကြားထဲကသာပြောနေတာ၊ ကာယကံရှင်တွေက ဘာမှမပြောသေးဘူး။ အန်ကယ်ပြောထားတဲ့အတိုင်းပဲ အမျိုးသားအကြိုးစီးပွားဘက်က ကာကွယ်သွားမယ်လို့ပြောထားတဲ့အတွက် အဲဒီအတိုင်းဘဲ ရပ်တည်သွားမှာပါ။”

လက်ရှိမှာ သမ္မတရွေးချယ်ဖို့ရက် သတ်မှတ်လိုက်ပေမယ့် သမ္မတ ဘယ်သူဘယ်ဝါဆိုတာကို ခန့်မှန်းချက်အနေနဲ့သာ သတင်းတွေအမျိုးမျိုးထွက်ပေါ်နေပေမယ့် အတည်ပြုလို့မရသေးပါဘူး။ ဒေါ်အောင်ဆန်းစုကြည်သမ္မတဖြစ်ဖို့

တပ်မတော်နဲ့ညှိုနှိုင်းနေတယ်လို့ သတင်းတွေထွက်နေသလို NLDပါတီအနေနဲ့ ၅၉ (စ)မပြင်နိုင်ခင်မှာ ယာယီသမ္မတ

တင်ဖို့လုပ်ဆောင်မယ်လို့လည်း သတင်းတွေထွက်ပေါ်နေပါတယ်။ တည်ဆဲဖွဲ့စည်းပုံအရ နိုင်ငံတော်သမ္မတဟာ သူ့သက်တမ်းမကုန်ဆုံးမှီမှာ ဆန္ဒအလျောက် သမ္မတနေရာကနေ ထွက်နိုင်ပါတယ်။

ဒီလိုချိန်မှာ ဒုသမ္မတ တဦးက ယာယီသမ္မတအနေနဲ့ ထမ်းဆောင်ရမှာဖြစ်ပြီး သက်ဆိုင်ရာ လွှတ်တော်ကိုယ်စားလှယ် အစုအဖွဲ့တွေက သမ္မတလောင်းလျာ ဒုသမ္မတ တဦးကို ရွေးချယ်ရမှာဖြစ်ပါတယ်။

VOA