အရင်ခေတ်တုန်းက လက်ထပ်လက်စွပ်ဆိုတာ မိန်းမတွေပဲဝတ်ရတာ။
ချစ်ရသူကို လက်ထပ်ခွင့်တောင်းတဲ့အခါ ဘယ်ဖက်လက်သန်းကြွယ်လေးကို လက်စွပ်လေးဝတ်ပေးကြတယ်။ မင်္ဂလာဆောင်မှာလည်း အပြန်အလှန် လက်စွပ်ဝတ်ပေးတော့ လက်သန်းကြွယ်လေးကိုပဲလေ။ မင်္ဂလာလက်စွပ်ကို ဘာကြောင့်မို့လို့ လက်သန်းကြွယ်မှာပဲ စွပ်ထားကြတာလဲဆိုတာ မသိချင်ဘူးလား။
ဒီဓလေ့ ပေါ်ထွန်းလာတာ နှစ်ပေါင်းအတော်ကြာနေပါပြီ။ ပြောရရင်တော့ ရှေးခေတ်အီဂျစ်တွေကနေ စခဲ့တဲ့ ရိုးရာယဉ်ကျေးမှုပါလို့ ရှေးဟောင်းသုတေသနပညာရှင်တွေက အထောက်အထားတွေနဲ့ ဆိုတယ်။ အီဂျစ်ခေတ်ဟောင်းရုပ်ပုံတွေအရ သတို့သမီးတွေဟာ လက်ထပ်လက်စွပ်တွေဝတ်ခဲ့ကြတာတွေ့ရကြောင်း BBC သတင်းမှာ ဖော်ပြဖူးပါတယ်။
အီဂျစ်လူမျိုးတွေဟာ လူ့လက်သန်းကြွယ်ကနေ နှလုံးကို စီးဆင်းဆက်သွယ်ထားတဲ့ သိမ်မွေ့တဲ့အာရုံကြောလေးတစ်ခုရှိတယ်လို့ ယုံကြည်ကြတယ်။ ဒါကြောင့်မို့လို့ လက်ထပ်တဲ့အခါ လက်သန်းကြွယ်မှာ လက်စွပ်ဆင်မြန်းခဲ့ကြတယ်။ ရှေးဟောင်း ဂရိတွေနဲ့ ရှေးခေတ်ရောမလူမျိုးတွေကလည်း ဘယ်ဘက်လက်သန်းကြွယ်မှာ လက်ထပ်လက်စွပ်ကို ဝတ်ခဲ့ကြတယ်။ အကြောင်းရင်း အဓိပ္ပာယ်ကတော့ အီဂျစ်တွေနဲ့ အတူတူပါပဲ။ ဘယ်ဘက်လက်သန်းကြွယ်မှာ လက်တင်ဘာသာစကားနဲ့ vena amoris (အချစ်သွေးကြော)လေးဟာ နှလုံးကိုစီးဆင်းနေတယ်လို့ ယုံကြည်ကြပါတယ်။
ဘယ်ဘက်လက်သန်းကြွယ်မှာ လက်ထပ်လက်စွပ်ကိုဝတ်ကြတာ နိုင်ငံတိုင်းတော့ မဟုတ်ဘူး။ ဒိန်းမတ်၊ ပိုလန်၊ ကျူးဘားတို့မှာဆိုရင် လက်ထပ်လက်စွပ်ကို ညာဘက်လက်သန်းကြွယ်မှာ ဝတ်ကြပါသတဲ့။ ဒုတိယကမ္ဘာစစ်မတိုင်မီအထိတော့ အမျိုးသားတွေဟာ လက်ထပ်လက်စွပ်ကို မဝတ်ကြသေးပါဘူး။ အဲ့ဒီနောက်ပိုင်းမှာမှ ဇနီးမယားနဲ့ ကလေးတွေကို အမှတ်ရအောက်မေ့နေစေဖို့အတွက် (စစ်ထဲလိုက်သွားတဲ့)ခင်ပွန်းသည်တွေဟာလည်း လက်ထပ်လက်စွပ်ကို ဝတ်ဆင်လာခဲ့ကြပါတယ်။
Source : BBC, Snopes, Mental Floss
Duwun
No comments:
Post a Comment