Eagle Breeze
အမေရိကန် မော်တော်ကားလုပ်ငန်း ခရိုက်စလာကုမ္မဏီရဲ့ ဥက္ကဌ အိုင်ယာကော့ကို သူ့အမေက ပြောတယ်။
" သားရေ.... အလုပ်တွေချည်း လုပ်မနေနဲ့။ သားခြံထဲက နှင်းဆီပန်းလေးတွေကိုလည်း နမ်းကြည့်ဖို့ အချိန်ထားဦးကွယ့် .."တဲ့။
ကျွန်တော်က မနက်ပိုင်း ၂ နာရီလောက်၊ နေ့လည်ပိုင်း ၃ နာရီလောက်၊ ညပိုင်း ၄ နာရီလောက် စာသင်ရပါတယ်။ သင်ရတာကလည်း သင်္ချာဆိုတော့ နည်းနည်းတော့ ပင်ပန်းပါတယ်။ ကလေးတွေကလည်း ၁၀ တန်းသာရောက်လာတာပါ။ အပိုင်းကိန်းမတွက်တတ်၊ ဒသမကိန်း မပေါင်းတတ် မနုတ်တတ်၊ အလီတောင် ကောင်းကောင်းမရတတ်တော့ အောက်ခြေသိမ်း ပြန်ပြင်နေရတယ်။ စာသင်ခန်းထဲမှာ နေရတာများတော့ မိသားစုအတူတူ နေဖို့၊ စကားစမြည်ပြောဖို့၊ ဟိုနားဒီနားထွက်ဖို့ ပျက်ကွက်တာ ကြာပါပြီ။ လူမှုရေးတွေလည်း လစ်ဟာပါတယ်။ သာရေးနာရေးတွေဆို လူကြုံနဲ့ လက်ဖွဲ့၊ ကူငွေတွေထည့်ပေးတော့ ရင်းနှီးတဲ့သူတွေဆို ငွေမလိုချင်ပါဘူး မင်းကိုယ်တိုင်လာစေချင်တာလို့ ငေါ့ပြောခံရတဲ့ အထိပါပဲ။ ကိုယ့်သားသမီးတောင် ကိုယ်စာမသင်ဖြစ်ဘူးလေ။ မိသားစုနဲ့ ဘုရားသွားကျောင်းတက် လုပ်ဖို့၊ ကိုယ်စိုက်ထားတဲ့ နှင်းဆီပန်းလေးတွေ နမ်းဖို့ မေ့နေခဲ့ပါလား။
အိန္ဒိယ သူဌေးကြီး အမ်ဘာနီက
"တစ်နေ့ ၁၀နာရီကျော် အလုပ်လုပ်တယ်ဆိုတဲ့ လူဟာ အလွန်နှေးတဲ့လူ ဒါမှမဟုတ် ညာနေတဲ့လူပဲ ဖြစ်မယ်"တဲ့။
ကျွန်တော်တို့ ဘဝကိုစီမံခန့်ခွဲပုံ ညံ့လို့၊ ဆုံးဖြတ်ချက် စိတ်ကူးစိတ်သန်း အတွေးအခေါ်တွေ လွဲလို့များ နှင်းဆီပန်းလေးတွေ နမ်းဖို့ အချိန်မရတာလား။
စိုက်ပျိုးထားပြီးမှတော့ နှင်းဆီပန်းလေးတွေကိုလည်း နမ်းမွှေးဖို့ အချိန်ပေးရပါဦးမယ်။
No comments:
Post a Comment