ဖုန်းပျောက်သူနဲ့ ဖုန်းကောက်ရသူ

မိတ်ဆွေတို့ ဖုန်းပျောက်ဖူးပါသလား၊ ဖုန်းလည်း ကောက်ရဖူး ပါသလား။ စာရေးသူကတော့ ယင်း အတွေ့အကြုံ နှစ်ခုစလုံးကို ရဖူးပါတယ်။ တစ်ခေါက်တစ်ခါ တုန်းက တက္ကဆီစီးတော့ အနောက်ခန်းမှာ ခရီသည် တစ်ယောက်ရဲ့ ဖုန်းကို တွေ့တော့ တက္ကဆီသမားကိုမေးတော့ သူလည်း တာဝန်မယူဘူး ဆိုတော့ ကျွန်တော် ယူပြန်ပြီး ပိုင်ရှင်ကို ဖုန်းဆက်ရှာခဲ့ပါတယ်။

ဖုန်းကို မြင်တာနဲ့ အရင်ဆုံး ဖုန်းပျာက်သွားသူအနေနဲ့ ဘယ်လို ဝေဒနာ ဆိုးတွေ ခံစားရမှာပါလိမ့် ဆိုတဲ့ ကိုယ်ချင်းစာစိတ်ကို အရင်ဝင်မိခဲ့ပြီး သူ့ဖက်က ဖုန်းအရင်မဆက်ခင်တောင် စာရေးသူက တစ်ဂွမ်ဂွမ်နဲ့ သူနဲ့ နီးစပ်ရာ အားလုံးကို လိုက်ဆက်ခဲ့ပါတယ်။ နောက်တော့ ဖုန်းကို လာယူစေပြီး သူ့လက်ထဲက ငွေကို အတင်းထိုးပေးတော့ မယူပါရစေနဲ့လို့ ငြင်းခဲ့ ရပါသေးတယ်။

ဒီရက်ပိုင်းအတွင်းမှာတော့ စာရေးသူရဲ့ ကိုယ်ပိုင်ဖုန်း တစ်လုံး တက္ကဆီပေါ်မှာ ကျန်ခဲ့ပါတယ်။ နောက်တက်တဲ့ ခရီသည်က တွေ့ပြီး ယူသွားပုံရပါတယ်။ ဖုန်းပြန်ဆက်တော့ နေရာတစ်နေရာကို လာယူပါလို့ ပြောပေမယ့် တကယ်လည်း ရောက်ရော ဖုန်းထဲမှာ ဖုန်းပိတ်ထားပါတယ် ဆိုတဲ့ အဖြေကိုသာ ကြားရပါတော့တယ်။ ဖုန်းက ဈေးကြီး ခပ်လှလှဖုန်း တစ်လုံး ဖြစ်နေလို့လည်း ကောက်ရသူ ပြန်မပေးဖို့ ဆုံးဖြတ်လိုက်ပုံ ရပါတယ်။

ဖုန်းပိုင်ရှင်တွေအနေနဲ့ iPhone ဆိုရင် iCloud ချိတ်ဆက်ခြင်း၊ Find my iPhone feature ကို turn on လုပ်ခြင်းတို့ ပြုလုပ်သင့်ပြီး Android ဆိုရင်လည် အခြားသော Security feature app တွေကို ထည့်ထားသင့်ပါတယ်။

အကောင်းဆုံး ကတော့ နမောနမဲ့ မနိုင်ပဲ သွားလေရာ စိတ်နဲ့ ကိုယ်နဲ့ ကပ် သတိနဲ့ နေဖို့ အကောင်းဆုံးပေ့ါ။ ဒါပေမယ့် လူဆိုတာ တစ်ခါတစ်လေကျ မှားတတ် မေ့တတ် တာပဲ။

ရေအဆုံး ကုန်းတစ်ဝက် ဆိုတဲ့ စကားပုံက ဘယ်ကလာလဲတော့ မသိ။ ကိုယ်မပိုင်တဲ့ ပစ္စည်းတစ်ခု ကိုယ့်လက်ထဲ ရောက်လာရင် ပိုင်ရှင်ကိုယ်တိုင်က ကျနော့ပစ္စည်းပါလို့ claim လုပ်လာခဲ့ရင် ပြန်ပေးသင့်တယ်လို့ ထင်တာပါပဲ။ မပေးရင်တောင် မယူဘူးပေါ့။ ဘာလို့လဲဆို ဒါဟာ သူတစ်ပါး ပစ္စည်း အလိုမတူပဲ ရယူတဲ့ အကုသိုလ် အမှု တစ်ခုပဲလေ။

ဘာပဲ ဖြစ်ဖြစ် လူတိုင်း ကိုယ့်လို စိတ်မထားနိုင်ရိုးလာဆိုပြီးတော့ မိမိရဲ့ ကောင်းတဲ့ စိတ်တွေကို မကောင်းဖြစ်သွားအောင် မကူးဆက်မိပါစေနဲ့။ မိမိသာ ယခုလို ကြုံတွေ့တဲ့အခါ တစ်ဖက်သားကို စာနာလို့ ရိုးပင်းကူညီတတ်ကြပါစေ။ စာရေးသူကတော့ ရိုင်းပင်းကူညီ၊ စာနာမှု မရှိတဲ့ ပတ်ဝန်းကျင်မှာ နေရမှာ အင်မတန် ကြောက်မိ ပါတယ်။
.
အောင်ခမ်း (ရိုးရာလေး)